kz_online_news

Қазақстанда өткен тәулікте 568 адам коронавирус жұқтырды, деп хабарлайды coronavirus2020kz.

Аймақтар бойынша

Нұр-Сұлтан қаласы - 100

Алматы қаласы - 34

Шымкент қаласы - 3

Ақмола облысы - 58

Ақтөбе облысы - 7

Алматы облысы - 16

Атырау облысы - 4

Шығыс Қазақстан облысы - 21

Жамбыл облысы - 4

Батыс Қазақстан облысы - 18

Қарағанды облысы - 82

Қостанай облысы - 58

Қызылорда облысы - 5

Павлодар облысы - 73

Солтүстік Қазақстан облысы - 77, Түркістан облысы - 8.

Жалпы ел бойынша ауырғандар саны 978930.

Парламент банктік, микроқаржылық және коллекторлық қызметті реттеу мәселелері бойынша заңға түзетулерді қабылдады.

⠀

Коллекторлық жосықсыз агенттіктер енді өткеннің еншісінде қалады. Бүгін сенаторлар қабылдаған заң оларға бөгде адамдардың телефон нөмірлерінен борышкерлерге хабарласуға тыйым салады.

⠀

Одан басқа, агенттіктер борышкермен сөйлесудің кез келген процесіне бейне және аудио түрінде жазба жүргізуге міндетті болады. Сенаторлардың пікірінше, бұл норма коллекторлар тарапынан дөрекі сөйлесу немесе заңнаманы бұзудан сақтайды.

⠀

Сонымен қатар, несие тарихы нашар адамдар енді аса қажет болған жағдайда несие ала алады. Егер бұрын ондай тарихты сақтау мерзімі 10 жыл болса, бүгінде қабылданған түзетулерге сәйкес бұл мерзім 5 жылға дейін қысқарады.

Алматы зообағында ягуар өмірге келді. Бұл туралы зообақтың Instagram-парақшасында жария болды.

⠀

Жаңа туған ягуардың анасы Момын 2010 жылы Алматы хайуанаттар бағында туған екен. Әкесі Василий зообаққа 2014 жылы Новосибирскіден әкелінгені хабарланды.

⠀

"Момын мен Василийдің тұңғыштары 2019 жылы туған болатын. Естеріңізде болса, алыстағы Аустралия құрылығында алапат өрт болып, осы оқиғаға жанашырлық танытып, қолдау білдіргеніміздің белгісі ретінде, арнайы байқау жариялап, оған Аустралия деген атты таңдағанбыз. Ол анасына тартып, теңбіл болып туды.

⠀

Енді, оның жақында ғана, 17 наурызда дүниеге келген інісі әкесіне тартқан - қара", - делінген хабарламада.

⠀

Зообақ мәліметінше, ягуарлар күнделікті 3 келі ет жейді. Қазіргі уақытта ягуардың анасының азықтық рационы 4.5 келіге көбейтілген.

ҚР денсаулық сақтау министрі Алексей Цой елде маскасыз жүру мүмкіндігі қай кезде қарастырылуы мүмкін екенін айтты.

⠀

Бүгін, 30 сәуірде халық алдында есеп берген министр халықты ұжымдық иммунитет қалыптастыруға үлес қосуға шақырды.

⠀

"Әр азамат өзін қауіпсіз сезініп, ұжымдық иммунитет қалыптасуы үшін вакцина салдырғандардың саны ең кемі 60 пайыздан асуы керек. Осыдан кейін маска тағу режимінен шығу мүмкіндігі қарастырылады. Біздің азаматтар белсенді түрде вакцина салдырып, ұжымдық иммунитеттің қалыптасуына, өз жақын туыстарын қорғауға өз үлесін қосады деп үміттенеміз", - деді Цой.

Министрліктің хабарлауынша, Қазақстан мен Ресей арасындағы мемлекеттік шекара екі ел президенттері 2005 жылғы 18 қаңтарда қол қойған Қазақстан-Ресей мемлекеттік шекарасы туралы шартпен белгіленген.

⠀

Ақпаратқа сәйкес, Ресей Федерациясымен мемлекеттік шекараны делимитациялау процесі аяқталды. Делимитация нәтижелері бойынша Қазақстан-Ресей мемлекеттік шекарасының жалпы ұзындығы 7548 км құрайды.

⠀

Атырау облысы әкімдігі қоршау жұмыстары бұрын басталуы тиіс еекенін, бірақ әртүрлі себептермен жүргізілмей келгенін айтады.

⠀

Қазіргі уақытта Ресей Федерациясының аумағында орналасқан ұзындығы 1800 метр қоршауларды тұрғызу үшін инженерлік жұмыстарды Көптоғай ауылында жүргізіледі.

Бағаның қымбаттауы Шымкент, Атырау және Ақтөбе қалаларында байқалады.

⠀

Қазір билет құны Шымкентте - 2,6 мың теңге, Атырауда - 2,5 мың теңге және Ақтөбеде - 2,1 мың теңге тұрады. Ал ең арзан билеттер Түркістанда - 800 теңге.

Google өзінің Timelapse - Google Earth сервисін жаңартты. Енді Google Earth арқылы соңғы 37 жылда мұздықтардың қалай ерігенін немесе алып қалалардың қалай тұрғызылғанын көруге болады.

⠀

Google осы арқылы адамдардың ғаламшарға тигізетін зиянын сырттай бақылауға мүмкіндік беріп, жер тұрғындарына ой салмақшы. Картада ормандардың азаюы, теңіздердің жоғалып кетуі, климат өзгерісін байқауға болады. Біз сіздердің назарларыңызға Арал теңізінде болған өзгерістерді ұсындық.

⠀

Компанияның хабарлауынша, бағдарламаға 1984-2020 жылдар аралығында түсірілген 24 миллион сурет енгізілген.

Мамыр айында үш мереке қатар келгендіктен, қазақстандықтар 13 күн демалады.

⠀

Мамырда үш мемлекеттік мейрам бар. 1 мамыр - Қазақстан халқының бірлігі күні, 7 мамыр - Отан қорғаушы күні және 9 мамыр - Жеңіс күні.

⠀

Бұл айда екі мереке демалысқа түсіп отыр, 1 мамыр сенбіге, ал 9 мамыр жексенбіге тура келеді. Соған байланысты екі мерекеден кейінгі дүйсенбіде демалыс беріледі. Осылайша, мамырда қазақстандықтар 13 күн демалады.

Алматы мен Ақмола облыстары «қызыл» аймақтан шықты.

Қазақстанда коронавирустың таралуы бойынша "қызыл" аймаққа кірген өңірлер жаңартылды.

19 сәуірдегі Қазақстан аймақтарындағы эпидемиологиялық жағдайды бағалау матрицасына сәйкес, Нұр-Сұлтан, Алматы, Шымкент және Атырау, Ақтөбе, Батыс Қазақстан және Қарағанды облыстары "қызыл" аймақта.

«Сары» аймақта: Алматы, Ақмола, Шығыс Қазақстан, Жамбыл, Қызылорда, Павлодар, Солтүстік Қазақстан, Маңғыстау облыстары.

«Жасыл» аймақта: Қостанай және Түркістан облыстары.

Сарапшылар халықтың жан басына шаққандағы орташа табысы көрсетілген статистиканы зерттеп, еліміздің оңтүстік өңірлеріндегі ең төменгі жалақы 100 мың теңгеге жетпейтінін анықтады.

⠀

Халықтың жан басына шаққандағы орташа атаулы ақшалай табысы 2020 жылдың төртінші тоқсанында 125,4 мың теңге болды. Бұл 2019 жылмен салыстырғанда 12,9 пайызға артық.

⠀

Нақты мәнде тауарлар мен көрсетілген қызметтер бағасын ескерсе, халықтың табысы 5,2 пайызға өскен.

⠀

Өңірлерде жан басына шаққандағы орташа атаулы ақшалай табыс 2020 жылдың төртінші тоқсанында Түркістан облысында 65,9 мың теңгеден Атырау облысында 230,2 мың теңгеге дейін құбылғаны байқалады. Бұл ретте нақты мәнде Атырау облысында кірістер екі пайызға азайса, Түркістан облысында 7,4 пайызға артқан.

⠀

Жалпы алғанда, республика бойынша жан басына шаққандағы ең төменгі атаулы ақшалай табыс көрсеткіші оңтүстік өңірлерде 100 мың теңгеден аспайды. Түркістан облысынан кейін Шымкент қаласы (79,1 мың теңге), Жамбыл (86,5 мың теңге), Алматы (90,7 мың теңге) облыстары.

Ақмола облысы, Шортанды ауданы Бектау аулылының маңында жүк көлігі балшық шұңқырға батып кетті, жүргізуші қаза тапты.

⠀

Полиция айтуынша, жүк көлігі жүргізуші қиыршық тас зауытына бара жатқанда батпаққа батқан. Жүк көлігін бульдозер мен арқанның көмегімен тартып шығаруға тырысқанымен автокөліктің кабинасы су астына кетті. Жүргізуші оқиға орнында қаза тапты.

⠀

Жүргізушінің денесі Нұр-Сұлтан мәйітханасына жіберілді. ҚР ҚК-нің 156-бабы 3-бөлігі "Еңбектi қорғау қағидаларын бұзу" бойынша соталды тергеу басталды.

Театр және кино актрисасы Ғазиза Әбдінәбиева дүниеден өтті.

⠀

Ол Қазақстанның еңбек сіңірген әртісі, «Парасат», «Құрмет» ордендерінің иегері, қазақ театры мен кино өнерінің майталманы.

⠀

1948 жылы Қызылорда облысы, Сырдария ауданы Тартоғай ауылында туған.

Марқұмның жақындарына қайғыра көңіл айтамыз.

Grammy сыйлығының иегері қазақстандық Иманбек Зейкенов ресейлік Comedy Club телешоуының қонағы болды.

⠀

Павел Воля мен Гарик Харламов шоуда Иманбектің кім екенін айтты. Видеосы Youtube-те жарияланды. Онда Павел Воля қазір шоуды қарап отырған барлық қазақтың еңсесі көтеріліп қалды деп әзілдеді.

⠀

Әрі қарай жүргізушілер жігіттен қалай теміржолшыдан беделді сыйлықтың иегеріне дейін жеткенін сұрай бастады. Иманбек оның сыры қымызда деп қалжыңдады.

Сондай-ақ, қазақстандық үш жыл бұрын музыкамен айналыса бастағанын айтты. Сонда Воля таңданып: "Үш жыл бұрын. Кім ол өзі?" дейді. Ал Иманбек жолы болғыш адам екенін айтты.

⠀

Жүргізушілер 2020 жылдың қазанында ол америкалық Usher және Marshmello-мен бірге трек жазғанын еске салды. "Ән "Too much" деп аталады. Ал 2021 жылдың ақпанында Иманбек пен ұлыбританиялық әнші Rita Ora "Bang" атты жаңа шағын альбом шығарды", - деді олар. Сонда Павел Воляның таңданысына Иманбек "Мен - қазақпын" деп қысқаша жауап қатты.

"Союз МС-17" ғарыш кемесі Халықаралық ғарыш станциясының экипаж мүшелерімен бірге Қазақстан даласына сәтті қонды, - деп хабарлайды Tengrinews.kz тілшісі РИА Новости порталына сілтеме жасап.

⠀

Кемедегі жарты жылдық ауысымнан кейін ресейлік ғарышкерлер Сергей Рыжиков, Сергей Кудь-Сверчков және америкалық Кэтлин Рубинс Жерге оралды. Енді станцияда жеті адам, оның ішінде екі ресейлік ғарышкер қалды.

⠀

"Союз МС-17" экипажы 184 күн бұрын ғарышқа аттанған болатын. Экспедиция кезінде ресейлік ғарышкерлер Рыжиков пен Кудь-Сверчков бір рет станциядан ғарышқа шығып, жоспарланған жұмыстардың бір бөлігін орындады. Ол жердегі люк 11 жылдан аса уақыт ашылмаған.

⠀

Ал Рубинс жарты жылдық экспедиция кезінде ғарышқа екі рет шықты. Сонымен қатар, ол орбитада жүргенде NASA оны "Артемида" деп аталатын ай экспедициясына дайындалу үшін астронавттар тобына қосты.

"Союз МС-17" ғарыш кемесінің экипажының барлық үш мүшесі құтқарушылардың көмегімен аппараттан шықты.

Қазақстанда сегіз аймақ коронавирустың таралуы бойынша "қызыл" аймақта орналасқан. Оған қоса, бүгін, 8 сәуірде тағы екі өңір "сары" аймаққа қосылды.

"Қызыл" аймақта: Нұр-Сұлтан, Алматы қалалары, Атырау, Ақтөбе, Ақмола, Алматы, Батыс Қазақстан және Қарағанды облыстары бар.

"Сары" аймақта: Шымкент қаласы, Қызылорда және Павлодар облыстары.

Қалған барлық өңір "жасыл" аймақта.

Қарағандыда құрылысшылардың екі бригадасы бір-біріне кірпіш сынықтарын лақтырған. Оқиғаны куәгерлер видеоға түсіріп алған.

Бейнежазбаны полиция қызметкерлері тексерді. Жанжалға қатысқандардың бәрі ұсталды.

Полицейлер қақтығыс қабатаралық плитаны орнату бойынша шыққан дау-дамайға байланысты болғанын анықтады. ҚР ҚК 293-бабы ("Бұзақылық") бойынша соталды тергеу басталды.