ABZAL_DOSTIYAR

Жауғашты түрмесінде қамауда отырған қайсар қыз Әйгерім Тілеужанға барып қайттық.

Адвокат Айнара Айдарханова, Қойшыбек аға үшеуіміз күрескер қыздың хал-жағдайын біліп қайтқанды жөн көрдік.

Түрмеде үш жылдан аса отырған, оның үстіне Кеңес Үкіметі тұсында салынған ескі түрмедегі адамның көңіл-күйі, денсаулығы қалай болатыны айтпаса да түсінікті.

Ең бастысы алдағы қаңтар айында толық мерзімін өтеп, аман-сау арамызға оралсын!

“Әділ сөздің” үнін өшірген Жаманқұлова Құрылтай депутаты бола ма?

Біздің елде журналистердің мүддесін қорғайтын, сөз бостандығының сақталуын қадағалайтын “Әділ сөз” халықаралық қоры бар.

Қордың аты Тамара Калеева басқарған жылдары дүрілдеп тұрды.

Назарбаевтың дәурені жүріп тұрған кезеңде де бір жағынан Сейітқазы Матаев басқаратын Журналистер Одағы, бір жағынан осы “Әділ сөз” қоры қоғамда өте беделді ұйым болды.

Журналистердің басына іс түссе екі жақтан қатқыл мәлімдеме жасап, баспасөз мәслихатын өткізіп дабыл қағатын.

Биліктің үрейін ұшыратын еді деп артық кетпейін, бірақ мазасын қашыратын, ықпалды болатын.

Әлеуметтік желі деген атымен жоқ кезде, саусақпен санарлық төрт-бес газеттің ғана шығып тұрған уақытында адуындылығымен әйгілі еді.

Қазір екеуі де жоқ, негізі бар, бірақ үндері жоқ.

Матаев қартайды, Одақ үнсіз қалды.

Тамара Калеева де қартайған соң орнына Қарлығаш Жаманқұлова деген кісіні басшы етіп қойды.

Содан бері “Әділ сөз” тасада қалды, оған басшысының әлсіздігі, икемге көнгіштігі, билік жағалап кеткендігі себеп болды.

Елде ондаған журналистер қамауға алынып, сотталып кетті.

Сөз бостандығы жөнінен әлемде соңғы орынға жылжып барамыз, бірақ “Әділ сөз” үнсіз.

Әйгерім Тілеужан, Думан Мұхамедкәрім, Мирболат Мырзатайұлы сияқты журналистер саяси себеппен қуғындалғаннан бөлек ондаған журналист әртүрлі себеппен қамалғанда мәлімдеме жасап, араша түскен “Әділ сөз” болмады.

Енді сол ұйқыға кеткен “Әділ сөз” қорының жетекшісі Қарлығаш Жаманқұлова жаңадан құрылып жатқан “Әділет” партиясының қатарынан табылыпты.

Жаманқұлова өткен референдум қарсаңында Қазақстанның Жаңа Конституциясында сөз бостандығы мен шығармашылық еркіндігі нормаларының бекітілуін жоғары бағалаған еді.

Жаманқұлова сөз бостандығы керемет деп жатқан тұста Қазақстан сөз еркіндігі рейтінгінде 180 елдің ішінен 149-шы орынға құлады, құлады деген себебім-өткен жылы 141-ші орында тұрғанбыз.

Қырғызстан мен Өзбекстанның өзі бізден жоғары тұр.

Биліктің “жақсысын асырып, жаманын жасырып” жүрген Жаманқұлова сияқты өз кәсіби міндетін адал атқара алмайтындар “Әділет” деген аты дардай партия құрып, Құрылтайдың депутаты атанбақ.

Осылайша билік әпербақан, қоғам әлжуаз күйінде қала бермек.

Пікірталастан қашатын, пікір алуандығын жауласу деп түсінетін бүгінгі биліктің беті бері қарайтын түрі жоқ.

“Аманаттың” Ардағы өтірікті қойып жала жабуға көшті.

Соңғы бір жылдан аса уақыт мәжіліс депутаты Ардақ Назаров елдің күлкісіне қалғаны белгілі, оған өзінің беталды сөйлеп, өтірік сөйлеуі себеп болды.

Ардақ Назаров қанша масқара болғанда бір пост жазбадым, бір эфир жасамадым, өйткені санасын дінмен тұмшалаған, қазақылықты ту етіп ұстап жүрген әумесер депутатқа сөз шығын еді, ешкімге зияны жоқ өтірігін айтып өзі де шаршайтын болар деп едім.

Енді бүгін сол ертегі айтқыш Назаров туралы жазуыма себеп-оның өтіріктің шегінен шығып жалақорлыққа көшкендігі.

Назаровтың айтуынша, Жақиянов 2002-ші жылы көп төбелескен Ардақтың видеоларын телеарна басшысы болып тұрғанда өртеген екен.

Бұл жерде Назаров бір сөйлемде үш өтірік айтып отыр.

Біріншіден -Ғалымжан Жақиянов ешқашан телеарна басшысы болған емес.

Екіншіден- Жақиянов Павлодар облысының әкімі қызметінен 2001-ші жылдың қараша айында Назарбаевтың бұйрығымен босатылған.

Жақияновтың орнына Даниял Ахметовті қазіргі президент Қасым-Жомарт Тоқаев апарып таныстырған.

Үшіншіден- ол кезде телеарна өртенбеген, оны сол кездегі “Хабар” арнасының Павлодар облысындағы меншікті тілшісі болған Ардабек Солдатбай растап отыр.

Ау “Аманат”!

Ау Ақорда!

Алдағы Құрылтайға да осы Ардақ сияқты әпенділерді апарып отырғызбақсыңдар ма?