zhantas_nabiolla

Музей жанынан жұмыстанатын ғылыми кеңес "Орал — ашық аспан астындағы музей" туристік-танымдық жобасының экскурсиялық маршрутын ғылыми негіздеу үшін көшпелі кеңес құрды.

Көне шаһардың тарихын зерделеп, сырлы көшелерімен серуендеген топ ғасырлар құпиясына үңілді. Кие қонған Хан тоғайынан бастау алған маршруттың әр қалтарысынан терең сыр іздеген сапарда музей директоры Жантас Сафуллин, еңбек ардагері Сара Танабаева, жазушы Дариға Мұштанова, журналист Қазбек Қабжан, өлкетанушы Нұрлан Сәдір, тарихшы Жасқайрат Ерназаров және жас ғалым Орынбасар Ахметқали әр кезеңде орын алған тарихи оқиғаларды нақтылай түсіп, ғылыми дәйектермен сабақтады. Енді кеңес тарапынан

экскурсия мәтініне жасалған ұсыныстар энциклопедиялық тұжырымдарға негізделіп, ұғынықты мазмұнда баяндалатын болады.

Экскурсия барысында сіз

Хандардың ізі қалған тарихи орындармен танысасыз

XIX–XX ғасырлардағы ғимараттар тарихына қанығасыз

Қазақ және еуропалық сәулет үлгілеріне шолу жасайсыз

Қаланың мәдени мұрасы мен тарихи оқиғалар орын алған жерлер, танымал тұлғалары туралы қызықты деректерге шолу жасайсыз

түсіп, ерекше атмосфераны сезінесіз.

Бұл — тарих пен руханиятты тоғыстырған, өткен мен бүгінді жалғаған танымдық бағыт.

Бұл видеода музей саласының ардагері Сара Есқайырқызы бұрын облыстық музейдің бөлімі орналасқан тарихи ғимараттың өткені туралы естеліктерімен бөліседі.

1968 жылдан бастап 1991 жылға дейін осы ғимаратта облыстық музейдің бөлімі жұмыс істеген. Сол кезеңде мұнда советтік дәуірге дейінгі қазақ тарихына қатысты экспозициялар қойылып, қазақ халқының тұрмысы, Сырым батыр көтерілісі, ұлттық киімдер мен қару-жарақтар көрсетілген. Сонымен қатар музей қорында сақталған киіз үйлер мен құнды жәдігерлер осы ғимараттың алтарь бөлігінде орналасқан.

Сара Есқайырқызы музейдегі еңбек жолын еске алып, сол кезеңдегі музей қызметкерлерінің қиын тұрмысын, қыс мезгіліндегі суық ғимаратта жұмыс істеудің ауыртпалығын және бірнеше қызметті қатар атқарған уақыттарын баяндайды.

Тәуелсіздік жылдары тарихи ғимарат діни қауымға қайтарылып, музей экспонаттары облыстық музей қорына көшірілген. Автор бұл кезеңді музей тарихындағы маңызды бетбұрыс ретінде сипаттайды.

Сондай-ақ видеода Пугачев музейінің ашылуы, музей ісін дамыту жолындағы алғашқы қадамдар және сол уақыттағы мәдениет саласының жағдайы жөнінде де айтылады.

Бұл видеода Батыс Қазақстан облыстық тарихи-өлкетану музейінің ардагері, музей саласының маманы Сара Есқайырқызы Танабаева музейдің қалыптасу тарихы туралы естеліктерімен бөліседі.

Сұхбат БҚО тарихи-өлкетану музейінің директоры және Сара Есқайырқызы Танабаеваның қатысуымен «Орал – ашық аспан астындағы музей» туристік-танымдық қалаішілік экскурсиясы маршрутын әзірлеу барысында өткізілген.

Әңгімеде Орал қаласындағы алғашқы музейдің тарихы, 1812 жылы Курилин ұйымдастырған оқу музейі, музейдің әр кезеңдегі орналасқан ғимараттары, Реальный училище, алғашқы арнайы музей ғимараты, соғыс жылдарындағы қиындықтар және 1951 жылы музейдің шіркеу ғимаратына көшірілуі туралы тарихи деректер айтылады.

Сондай-ақ өлкелік музейдің «История Уральского казачьего войска музея» кезеңінен бастап облыстық тарихи-өлкетану музейіне айналу тарихы баяндалады. Видео Орал қаласының тарихи ғимараттары мен музей ісінің даму жолын тануға арналған құнды естелік сұхбат болып табылады.

[Заголовок]

«ҚАЗАҚСТАН» ГАЗЕТІНІҢ 115 ЖЫЛДЫҒЫНА АРНАЛҒАН КӨРМЕ

[Описание]

Облыстық тарихи-өлкетану музейінде «Қазақстан» газетінің 115 жылдығына арналған көрме ұйымдастырылып, тағылымды кездесу өтті. Тарихшылар, әдебиет майталмандары, ғалымдар бас қосып, еліміздегі алғашқы басылымдардың бірі ретіндегі газеттің мән-маңызын талқылады. Көрмеде сондай-ақ оның негізін қалаушылардың бірі – Ғұмар Қараш туралы да көптеген мағлұмат жинақталған.

[Теги]

Ғұмар Қараш, Ғұмар Қарашев, көрме, Батыс Қазақстан облыстық тарихи-өлкетану музейі, музей, БҚО музейі, Музей ЗКО, Ақжайық телеарнасы, телеканал Ақжайық, Aqjaiyq, Жантас Сафуллин, Жантас Набиоллаұлы, Жантас Набиоллиевич, Жантас Нәбиоллаұлы, Сафуллин

[Заголовок]

8 қыркүйек 2018 ж. Ресей ғылым академиясы, Уфа ғылыми орталығында кездесу

[Описание]

Әбілхайырдан кейін хандық құрған Нұралы Әбілхайырұлы Уфада қамақта болғаны, қайтыс болып, сонда жерленгені белгілі. Қазір жатқан жері белгісіз. Жазбаларда ескі кірпіш заводының жанында жерленген деген дерек бар. Уфаның ескі картасын қарап, Ресей ғылым академиясы, Уфа ғылыми орталығының қызметкерлерімен жүздестік. 1791 жылдың шамасында онға жуық кірпіш заводтары болғанын айтады. Анығы жатқан жерінің үстіне қала салынып кеткен. Егер осыған қатысты мәліметтер болса қажет-ақ еді.

[Теги]

Жантас Набиоллаұлы, Сафуллин, Уфа, Башқұртстан, Ресей ғылым академиясы, Нұралы хан, тарих