Сообщений: 235 с 2022 года
Лента канала хранится отдельно от общего реестра и подгружается страницами, чтобы аналитик мог читать архив без тяжёлого общего поиска поверх сообщений.
Дүбірлі доданың жабылу салтанаты «Түркістан-арена» стадионы маңында өтті.
Салтанатты шарада «AMANAT» партиясының атқарушы хатшысы Дәулет Кәрібек, Туризм және спорт вице-министрі Сәрсен Құранбек, Түркістан облысы әкімі аппаратының басшысы Еркеғали Әлімқұлов, Ұлттық спорт қауымдастығының Президенті Исламбек Салжанов, “JORYQ” ат спорты федерациясының Президенті Бақытжан Тұрлыбеков құттықтау сөз сөйлеп, жеңімпаздар мен жүлдегерлерді марапаттады.
Маңғыстау облысының Адай жылқысы рекорд жасады.
«Рекорд» командасындағы 21 жастағы Мағжан Абдолұлы 1 300 шақырымның соңғы 50 шақырымын бағындыруға таңғы сағат 7:10-да аттанып, Түркістандағы мәре сызығын 08 сағат 44 минут 09 секундта бірінші болып кесті.
Мәреге жетісулық шабандоз екінші болып келсе, артынша астаналық шабандоз жетті.
1 300 шақырымды 1 атпен бағындырған азаматтар 1-орын үшін 2,5 миллион теңге, 2-орынға – 2 миллион теңге, 3-орынға 1,5 миллион теңге көлемінде сыйақы алды.
19 қыркүйекте «Ұлы дала жорығы» марафон-бәйгесінің 14-кезеңі аяқталып, еліміздің рухани астанасы Түркістан төрінде жеңімпаздар анықталды.
Жалпы, 5-19 қыркүйек аралығында марафоншылар елордадан Түркістан қаласына дейін 1 300 шақырымнан аса қашықтықты басып өтті. Марафон 14 сатыға бөлінген. Оған еліміздің 19 өңірінен 1 командадан қатысты.
“Ұлы дала жорығы”: “Рекорд” командасына қомақты қаржылай сыйлық бекітілді
Астанадан Түркістанға дейінгі 1300 шақырымды бастан-аяқ 1 атпен еңсеруді мақсат еткен “Рекорд” командасының құрамы Астана қаласы, Маңғыстау мен Жетісу облыстарының шабандоздарынан құралған. Арқадан атқа қонған үш шабандоз қара жерді қайыстыра Түркістанға таяп келеді.
Қазақ жылқысының атын Гиннес рекордтар кітабына енгізуді көздеген азаматтарға төрешілер шешімімен қомақты жүлдеқоры бекітілді.
1-орынға - 2 миллион теңге, 2-орынға - 1,5 миллион теңге, 3-орынға - 1 миллион теңге беріледі.
Әзірге командадағы 3 шабандоздың уақыты әртүрлі. Атап айтқанда, 12-кезең бойынша, Маңғыстау командасының шабандозы 89 сағат 46 минут есебімен алда келе жатыр. Екінші орын - 92 сағат 10 минут уақыт есебімен Жетісу командасының рекордсменінің еншісінде. Үшінші орында - 92 сағат 33 минут есебімен Астана командасының шабандозы тұр.
12-кезең нәтижесіҚай командаға жанкүйерсіз?
Екі күн қатарынан кезең жеңімпазы — Түркістан облысы командасы
Бүгін, 15 қыркүйекте «Ұлы дала жорығы» марафон-бәйгесінің оныншы кезеңі аяқталды. Шабандоздар белгіленген маршруттың 950 шақырымын басып өтті.
Оныншы кезең қорытындысы бойынша, Түркістан облысының командасы жеңімпаз атанды. Бұл жолы маңғыстаулық шабандоздар мәре сызығына екінші болып келсе, Қостанай облысының командасы үшінші болып жетті.
Өкінішке қарай, бұл күні екі күн қатарынан жеңімпаз болған Алматы және Ұлытау облысының атынан шыққан командалармен қоштасуға тура келді.
Марафонның бас төрешісі Надежда Купцованың айтуынша, Алматы облысы командасының бір аты 10-кезеңнің алғашқы 50 шақырымында болдырып, команда финишқа жете алмапты. Ал ұлытаулық аттың аптап ыстықтан жүрек соғысы жиілеп, қалыпқа түсуі қиындаған. Ветеринарлар жағы команда жетекшісіне тәуекелге бармай, осы жерден бәрін тоқтату керек десе де, ұлытаулық шабандоз ешкімге құлақ аспай, Түркістанға дейін баруға бекініпті.
Бас серіктес — «Sport Qory» туризм индустриясы мен спортты қолдау қоры Sport Qory
Бүгін, 14 қыркүйекте «Ұлы дала жорығы» марафон-бәйгесінің тоғызыншы кезеңі аяқталды. Шабандоздар белгіленген маршруттың 850 шақырымын басып өтті.
Тоғызыншы кезең қорытындысы бойынша, Алматы облысының командасы жеңімпаз атанды. Бұл жолы қостанайлық шабандоздар мәре сызығына екінші болып келсе, Жетісу облысының командасы үшінші болып жетті.
Өкінішке қарай, бұл кезеңде Жамбыл облысы командасымен қоштасуға тура келді.
Марафонның бас төрешісі Надежда Купцованың айтуынша, жамбылдық жылқының тұяғы абайсызда шұңқырға кіріп кетіп, ақсап қалған.
«Команданың қалған екі шабандозы командадан тыс Түркістанға дейін жету мақсатын орындайды. Олар осы уақытқа дейін үздіктер қатарында болды. Жарыстан шығып қалуы бәріміз үшін оңай тимеді. Дегенмен дода болған соң, жеңіліс те болады. Қалған 11 командаға мұқият болыңыздар дегім келеді», - деп атап өтті бас төреші.
8-кезең нәтижесі бойынша Алматы облысының командасы жеңімпаз атанды! Құтты болсын
«JORYQ» ат спорты федерациясының президенті, жоба авторы Бақытжан Тұрлыбек
Енді командалар шығып қалады деген қауіп азайды. Өйткені шабандоздар ат ауыстырып мініп жатыр, уақыттарын ұтымды пайдаланып Түркістанға жетеді деген үмітіміз бар. Былтыр 600 шақырымды 9 команда 32 атпен өтсе, биыл 650 шақырымды 12 команда 41 атпен алғашқы кезеңді аяқтап отыр. Былтыр 650 шақырымды бірінші болып бағындырған команданың уақыты шамамен 56 сағатты құраса, биыл 42 сағатта жүріп өтті. Бұл аттардың дайындығын көрсетеді. Екіншіден, бәсекенің өте жоғары екенін көрсетіп отыр. Сондай-ақ 1-кезеңнің 4 аты командадан тыс 1300 шақырымды бағындыруға бекініп отыр. Оның бәрі мал дәрігерінің рұқсатымен жүзеге асады.
Командалар 1300 шақырымның тең жартысын бағындырды
Бүгін, 12 қыркүйекте «Ұлы дала жорығы» марафон-бәйгесінің жетінші кезеңі аяқталды. Шабандоздар белгіленген маршруттың тең жартысын басып өтті. Бұл кезеңнің ерекшелігі сол – марафон қатысушылары Жезқазған-Қызылорда тас жолының 130-ыншы шақырымында аттарын тың атқа ауыстырды.
Жетінші кезең қорытындысы бойынша, Қостанай облысының командасы жеңімпаз атанды. Бұл жолы астаналық шабандоздар мәре сызығына екінші болып келсе, Ақтөбе облысының командасы үшінші болып жетті. Елордадан аттанған 19 командадан бүгінде 12 команда қалып, келесі 650 шақырымдық мәре жолына шықты.
Қостанай облысының командасы 6-кезең жеңімпазы!
Жобада 12 команда қалды
Бүгін, 11 қыркүйекте «Ұлы дала жорығы» марафон-бәйгесінің алтыншы кезеңі аяқталды. Таңғы 7:00-де 14 команда Алаша хан кесенесінен Жезқазған маңындағы Талап ауылына жолға шықты.
Жорық бағдарламасына сәйкес, командалар марафон-бәйгенің тағы 100 шақырымын бағындырып, алтыншы кезеңнің мәресі Талап ауылында қорытындыланды. Осылайша, шабандоздар 6 күн ішінде жалпы 550 шақырым жолды жүріп өтті.
Алтыншы кезең қорытындысы бойынша, Қостанай облысының командасы жеңімпаз атанды. Бұл жолы ақтөбелік шабандоздар мәре сызығына екінші болып келсе, Маңғыстау облысының «Көкмойнақ» командасы үшінші болып жетті.
Өкінішке қарай, аталмыш кезеңде аттарының жарақат алуына байланысты Қызылорда, Ақмола командалары жарысты тоқтатты.
Еске сала кетейік, бұған дейін БҚО, СҚО, ШҚО, Павлодар облыстары мен Шымкент қаласының командасы жарыстан шығып қалғанын хабарлаған едік.
Ақтөбе командасын құттықтап қойыңыздар
Бүгін, 10 қыркүйекте «Ұлы дала жорығы» марафон-бәйгесінің бесінші кезеңі аяқталды. Таңғы 7:00-де 15 команда Ұлытау облысы Айдар қыстағынан Алаша хан кесенесіне жолға шықты.
Жорық бағдарламасына сәйкес, командалар марафон-бәйгенің тағы 100 шақырымын бағындырып, бесінші кезеңнің мәресі Алаша хан кесенесінде қорытындыланды.
Осылайша, шабандоздар 5 күн ішінде жалпы 450 шақырым жолды жүріп өтті.
Бесінші кезең қорытындысы бойынша, Ақтөбе облысының командасы жеңімпаз атанды.
Бұл жолы да Маңғыстау облысының «Көкмойнақ» командасы мәре сызығына екінші болып келсе, алматылық шабандоздар үздік үштікке енді. Өкінішке қарай, бұл кезеңде атының жарақат алуына байланысты Павлодар облысы жарыстан шықты.
Алматы қаласы, Ақтөбе, Маңғыстау, Астана, Жетісу облыстарының команда құрамында – 5 ат
Жамбыл, Түркістан, Алматы, Абай, Ақмола, Қарағанды облыстарының команда құрамында – 4 ат
Қостанай, Қызылорда, Ұлытау облыстарының команда құрамында 3 ат қалды.
Төртінші кезең қорытындысы бойынша, Астана қаласы командасы жеңімпаз атанды. Бұл жолы да Маңғыстау облысының «Көкмойнақ» командасы мәре сызығына екінші болып келсе, ақтөбелік шабандоздар үздік үштікке енді.
Өкінішке қарай, төртінші кезеңді 3 атпен бастаған Шымкент командасы алғашқы 50 шақырымнан соң бір атының жарақат алуына байланысты төрешілер шешімімен жарысты тоқтатуға мәжбүр болды. Айта кетейік, ереже бойынша команда құрамында кем дегенде 3 қатысушы болу керек. Сонымен қатар арғымақтарының ұзақ қашықтыққа дайын болмауының себебінен ШҚО командасы да додадан шығып қалды.
Сонымен бесінші кезеңге Абай, Қызылорда, Түркістан командалары 4 атпен, Ұлытау мен Павлодар командалары 3 атпен шығады. Қалған командалар құрамы толық. Жалпы Айдар қыстағына түнеген 15 команда ертең, яғни 10 қыркүйекте таңғы сағат 7:00-ден бастап алғашқы 50 шақырымды еңсеру үшін Алғабас ауылына аттанады. Түскі астан соң Алғабастан Алаша Хан кесенесіне дейінгі 5-кезеңнің кезекті 50 шақырымын бағындыруы тиіс.
Үшінші кезең нәтижелері
Итоги третьего этапа
Екінші кезең нәтижелері
«ҰЛЫ ДАЛА ЖОРЫҒЫ»: 2-КЕЗЕҢДЕ МАҢҒЫСТАУ ОБЛЫСЫНЫҢ КОМАНДАСЫ ЖЕҢІСКЕ ЖЕТТІ
Екінші кезеңнің қорытындысы бойынша Маңғыстау облысының командасы Бытығай кесенесіне бірінші болып жетті. Қостанай облысының шабандоздары екінші болса, жетісулықтар үшінші келді. Ал Шымкент қаласының, ШҚО және БҚО командаларының бір-бір жылқысы жарыс жолынан шығып қалды.
Өкінішке қарай, марафон-бәйгенің екінші күні Солтүстік Қазақстан облысының командасы аттарының болдыруына байланысты 2-кезеңде толығымен жарысты тоқтатты. Халықаралық мал дәрігері Ольга Гробердің айтуынша, солтүстікқазақстандық командаға тиесілі жылқылардың бірі алғашқы кезеңде жарақат алған.
«Ұлы дала жорығы» республикалық марафон-бәйгесінің бас серіктесі – «Sport Qory» туризм индустриясы мен спортты қолдау қоры.
Бірінші кезең нәтижелері
Итоги первого этапа
