Сообщений: 23 с 2026 года
Лента канала хранится отдельно от общего реестра и подгружается страницами, чтобы аналитик мог читать архив без тяжёлого общего поиска поверх сообщений.
Бүгін – Бұқаралық ақпарат құралдары қызметкерлерінің кәсіби мерекесі. Осы саланы оқып, қазіргі таңда баспасөз саласында жұмыс істеп келе жатырмын. Бала арманымды толықтай орындамасам да, әлі де көздеген мақсаттарым көп. Бұйыртса Астана қаласында мансаптық жолымды жалғастырып, келесі мерекемді сол қалада қарсы алғым келеді. Ол күн де алыс емес шығар
P.S. Құттықтау тілектерге ашықпын
Менің айтарым осы ғана
Қыздар, жігіттер, сендер бір-бірлеріңнің жекелеп, меншіктеп алған «заты» емессіңдер! Әр адамның жеке шекарасы болуы керек және құрметтелуі керек! Әлеуметтік желідегі құпиясөздер, бір-бірінің телефондарыңды тексеру, тағы не бар, анау кім, мынау не, бла, бла, блаа, кете береді…
Құрмет, сенім, сыйластық қарым-қатынаста да, ертеңгі отбасылық өмірде де ТЕҢ болуы керек деп есептеймін. Бір-бірінің құндылығын сыйлайтын адаммен ғұмыр кешуді нәсіп етсін. Сауатты һәм саналы болайық!
Әр күніме шүкір! Кейде өзіме, өз өміріме налитын сәттерім болады. Біз баяғы біреудің өміріне қызығатын жаратылыспыз ғой. Салыстыру көп, талпыну аз. Бірақ, мен өз өмірлік құндылықтарымды, білімімді, қабілеттерімді құнсыздандырмаймын. Мейлі, қазір уақыты емес шығар, дайын емес шығармын, бұйырмаған шығар деген жеңіл-желпі көзқараста қалып қоямын. Мен өз ішкі «менімнің» мықты екенін білемін. Соны шығаруға сенімділігім жетпей қалады. Тәуекелім аз, қорқынышым көп. Батылдана түсуге өмір үйретіп келеді. Менің жұлдызым жарық, жолым ашық. Құдай ниетіме сай өзіме лайықтының бәрін береді. Ал бұған кәміл сенемін. Аман болайық, деніміз сау болсын!
Кеше корей елінің мәдениетімен танысып қайттым. Республикалық мемлекеттік театры жоғары деңгейде өнер көрсетті. Болашақта осы мемлекеттің театр өнерімен, мәдениетімен еліне барып танысқым келеді.
P.S. Журналист болсаң, осындай мәдени шараларға қуана-қуана шақырады. Құрбым БАҚ өкілі есебінде алып барды. Сөйтіп, кешті тамашалап әрі ұйымдастырушылардан сыйлық алып қайттым.
Кішкентай дүниенің өзіне алғыс айта білетін адамдарды жақсы көремін
қандай да бір сөз айтпас бұрын ол адамның орнына өзімді қоямын, аңдап сөйлеймін
ашулануды емес, жағдайда түсініп алуды таңдаймын.
