Сообщений: 22 297 с 2019 года
Лента канала хранится отдельно от общего реестра и подгружается страницами, чтобы аналитик мог читать архив без тяжёлого общего поиска поверх сообщений.
«Тезірек үйлен» деп мәжбүрлегендер 10 жылға дейін сотталуы мүмкін
«Түскі формат» тікелей эфирінде некеге мәжбүрлеудің қылмыстық жауапкершілігі талқыланды. Заңға сәйкес, адамды қорқыту, бопсалау, күш көрсету немесе өзге де қысым жасау арқылы некеге тұруға мәжбүрлегендер 10 жылға дейін бас бостандығынан айырылуы мүмкін. Заң жобасы әйелдермен қатар ер адамдарды да мәжбүрлі некеден қорғауды көздейді.
Бізге
Зайсаннан Қытайға күн сайын алты автобус қатынайды
Шығыс Қазақстан облысындағы Зайсан ауданы туристер үшін тартымды бағыттардың біріне айналып келеді. Аудан әкімдігінің мәліметінше, былтыр өңірге шамамен 20 мың турист келген. Биылғы жылдың алғашқы үш айында ауданға 4 800 адам сапарлаған.
Зайсан ауданы Қытаймен шекаралас орналасқандықтан, мұнда халықаралық автобус қатынасы жолға қойылған. Жаз мезгілінде Зайсан мен Қытай арасында екі бағыт бойынша күн сайын алты автобус рейсі қатынайды.
Жергілікті биліктің мәліметінше, жаз айларында осы бағыт арқылы қатынайтын туристер саны 1 200 адамға дейін жетеді.
t.me/atamekenbusiness_silkway
Елімізде жанар-жағармай импортына салынатын кедендік бажды алып тастау жоспарланып отыр.
Жаңа тәртіп бір жыл бойы күшінде болады. Бұл туралы Сауда және интеграция вице-министрі Жанель Күшікова айтты. Оның сөзінше, Қазақстанға отынның негізгі бөлігі Ресейден жеткізіледі. Алайда көрші елдегі жанар-жағармай тапшылығын ескере отырып, Қазақстан Еуразиялық экономикалық комиссия аясында импорттық кедендік баждарды төмендету мәселесін қарастырып жатыр.
Мұндай шешім үшінші елдерден, әсіресе Қытайдан отын импортын ынталандыруға мүмкіндік береді. Сондай-ақ ел ішінде жанар-жағармай тапшылығы туындаған жағдайда, Қазақстан отын экспортын шектеу шараларын енгізуі мүмкін.
Бізге
Президент заңсыз ақпаратты бұғаттау маңызды екенін айтты
Қасым-Жомарт Тоқаев БАҚ саласы қызметкерлерін марапаттау рәсімінде сөз сөйлеп, мерекемен құттықтап, жылы лебізін білдірді. Сондай-ақ бірқатар мәселеге де тоқталып өтті. Соның бірі сөз еркіндігіне қатысты.
«Елімізде пікір алуандығы мен сөз еркіндігі бар, ал цензураға заң жүзінде тыйым салынған. Алайда, сөз бостандығы дегеніміз жүгенсіздікке және тәртіпсіздікке жол беру деген сөз емес. Сондықтан қоғамдық пікірді өздерінің теріс пиғылына пайдаланып, медиа саласында айласын асырғысы келетіндер мына бір қарапайым қағиданы жадында ұстауы қажет: бірде-бір адам шексіз құқық иесі емес. Басқаша айтсақ, өз құқыңды білу және сақтау өзгенің құқын бұзу немесе ар-ожданын таптау деген сөз емес. Алдымызда адамдар жалған ақпараттың жетегінде кетпей, күрішті күрмектен ажыратуы үшін медиасауаттылықты барынша арттыру міндеті тұр», - деді Тоқаев.
Президент заңсыз ақпаратты жедел анықтау және бұғаттау жұмысын қолға алу өте маңызды екенін жеткізді. Ол үшін жасанды интеллект технологиясы мүмкіндіктерін кеңінен пайдалану қажет, - деді.
«Біз Заң мен тәртіпке бағынатын ел ретінде құқықтық нигилизмге, әсірешілдікке, яғни, радикализмге және халқымыздың болмысына жат құндылықтарды насихаттау ісіне түбегейлі тосқауыл қоюымыз керек. Бұл – өте маңызды міндет», – деді Мемлекет басшысы.
Бізге
Тоқаев Трампты туған күнімен құттықтады. АҚШ-тың 47-ші президенті 80 жасқа толды.
Қасым-Жомарт Тоқаев Дональд Трампқа бақ-береке және АҚШ халқының игілігі жолындағы жауапты мемлекеттік қызметіне табыс тіледі.
Бізге
Перуашев партия төрағалығынан кетті
Елдегі саяси партияларда өзгерістер жалғасуда. Бүгін Азат Перуашев «Ақ жол» демократиялық партиясы төрағалығынан кетті. Жаңа жетекші болып Дания Еспаева сайланды.
Перуашев өз шешімін «өзгеріс болып тұру қажет»,- деп түсіндірді.
Бізге
Тоқаев Путинді Ресей күнімен құттықтады
Мемлекет басшысы Ресей Федерациясының Президентіне құттықтау жеделхатын жолдады
– Қазақстан бауырлас Ресеймен стратегиялық серіктестік және одақтастық рухында дәйекті түрде дамып келе жатқан достық әрі тату көршілік қарым-қатынасты жоғары бағалайды. Сіздің жуырда Қазақстанға жасаған мемлекеттік сапарыңыз айрықша мәнге ие. Оның нәтижесі өзара тиімді ынтымақтастықтың көкжиегін кеңейтіп, ауқымды жобалар мен бастамаларды жүзеге асыруға тың серпін берді. Бірлескен күш-жігеріміздің арқасында Қазақстан мен Ресей арасындағы мемлекетаралық байланыстар алдағы уақытта барлық салада қарқынды дами береді деп сенемін, – делінген жеделхатта.
Қасым-Жомарт Тоқаев Владимир Путиннің Ресей Федерациясының игілігі мен өркендеуі жолындағы жауапты мемлекеттік қызметіне толайым табыс тіледі.
Бізге
Ирандағы соғыс АҚШ-ты ең ірі мұнай экспорттаушыға айналдырды
АҚШ мұнай және мұнай өнімдерінің экспорты бойынша Сауд Арабиясы мен Ресейді басып озды. Осылайша рейтингте бірінші орынға шықты. Бұл туралы Reuters агенттігінің Vortexa сервисінің деректеріне сүйене отырып жазды, деп хабарлайды inbusiness.kz сайты.
Мамыр айында АҚШ экспорты тәулігіне шамамен 10,5 млн баррельге жеткен. Ресейде бұл көрсеткіш 7 млн баррельге жуықтаса, Сауд Арабиясы 5,9 млн баррель мұнай экспорттаған. Осылайша Вашингтон үшінші ай қатарынан бірінші орынды бермей келеді. 2025 жылы Сауд Арабиясы тәулігіне – 8,1 млн баррель, АҚШ – 6,6 млн баррель, ал Ресей 5,8 млн баррель экспорттаған.
Экспорттың күрт өсуіне екі негізгі фактор әсер еткен. Біріншісі – АҚШ пен Иран арасындағы соғыс. Таяу Шығыстағы қақтығыс Ормуз бұғазы арқылы тасымалды тоқтатып, Сауд Арабиясының мұнай жеткізіліміне кедергі келтірді. Екінші себеп – Ресейдің мұнай экспорты Батыс санкцияларының қысымымен азайып жатыр.
Бізге
Amanat «Әділет» партиясымен бірікті
Елордада өткен Аmanat партиясының съезінде осындай шешім қабылданды. Қатысушылар бірауыздан қолдады.
Бізге
Қайрат Сатыбалдыдан тәркіленген «Байсат» базары Алматы әкімдігіне өтуі мүмкін. Мемлекеттік мүлік және жекешелендіру комитетінің төрағасы Нұрмахан Әділбековтың сөзінше, сауда орнының сатылымға шығарылғанына бір жыл болған. Нысанның бағасы 4 млрд теңгеге дейін төмендетілген. Бірақ сатып алушы табылмаған. Ірі инвестор болмаған соң, ведомство басқа шара қабылдайтын болып шешті.
Ал волонтер Перизат Қайраттан тәркіленген қымбат автокөліктер мемлекеттік органдарға берілуі мүмкін. Тегін. Комитет басшысының сөзінше, мұндай тәжірибе бюджет қаражатын үнемдеу үшін қолданылады. Әрі заңнамалық нормаға сай. Сот шешімі бойынша Перизат Қайраттан бірнеше көлік тәркіленді. Олардың ішінде 2024 жылғы Mercedes-Benz S450, 2024 жылғы Lexus LX 600, 2023 жылғы Mercedes-Benz EQE 500 4MATIC және 2024 жылғы Haval H6 GT автокөліктері бар.
Бізге
Қытай Mercedes G-Class-қа бәсекелес жаңа жол талғамайтын көлікті таныстырды
Қытайдың премиум автокөлік өндірушісі Hongqi жаңа G919 жол талғамайтын көлігін таныстырды. Компания бұл модельді әйгілі Mercedes-Benz G-Class көлігіне бәсекелес ретінде ұсынып отыр.
Жаңа көлік 2 литрлік турбоқозғалтқыш пен төрт электр моторынан тұратын гибридті жүйемен жабдықталған. Қуаты 831 ат күшіне жететін G919 бір қуаттаумен 280 шақырымға дейін таза электр режимінде жүре алады. Ал жанармай мен аккумуляторды бірге пайдаланғанда жалпы жүріс қоры шамамен 1350 шақырымды құрайды.
Ұзындығы 5,1 метрден асатын жол талғамайтын көлік рамалық платформада жасалған. Ол пневматикалық аспамен, екі осьтегі дифференциал құлыптарымен, лидар жүйесімен және күрделі жол жағдайларына арналған арнайы жабдықтармен қамтылған. Сарапшылардың пікірінше, G919 Қытайдың электрлендірілген жол талғамайтын көліктер сегментіндегі бәсекені одан әрі күшейтеді.
t.me/atamekenbusiness_silkway
Мемлекет басшысы Қырғыз Республикасы Жогорку Кенешінің Төрағасын қабылдады
Қасым-Жомарт Тоқаев Марлен Маматалиевке ілтипат білдіріп, оның Қазақстанға алғашқы ресми сапары екіжақты қарым-қатынасты нығайту тұрғысынан айрықша мәнге ие екенін атап өтті. Маматалиев президент Садыр Жапаровтың ыстық ықыласын жеткізді.
Кездесу барысында парламентаралық байланыстарды дамыту және жоғары деңгейде қол жеткізілген екіжақты уағдаластықтарды заңнамалық тұрғыдан тиімді қамтамасыз ету мәселелері талқыланды.
Екі елде жүргізіліп жатқан жүйелі әлеуметтік-экономикалық реформалар жөнінде мазмұнды әрі егжей-тегжейлі әңгіме өрбіді.
Президент пен Жогорку Кенеш Төрағасы Қазақстан мен Қырғызстанның стратегиялық серіктестік және одақтастық қарым-қатынасын жан-жақты дамытуға бейіл екенін растады.
Бізге
Қазақстан мен Еуроодақ виза беру тәртібін жеңілдету және реадмиссия мәселелері бойынша келіссөздерді жалғастырып жатыр.
Бұл туралы Сыртқы істер министрлігінің баспасөз қызметі хабарлады.
Тараптар қазақстандықтарға виза алу рәсімін оңайлату жолдарын талқылады. Атап айтқанда, өтініштерді қарау уақытын қысқарту, ұзақ мерзімді визаларды көбірек беру және талап етілетін құжаттар тізімін азайту мәселелері қаралды.
Келіссөздер барысында екі тарап бірқатар бағыттар бойынша ортақ ұстанымға жақындағанын атап өтті.
Егер келісімдер жүзеге асса, қазақстандықтардың Еуропа елдеріне сапарлауы жеңілдемек. Бұл өз кезегінде оқу, жұмыс, бизнес және туристік байланыстарды дамытуға жол ашады.
Бізге
Елімізде жаңа піскен қызанақ импортына тыйым салынбақ
Ауыл шарушылығы министрлігінің бұйрық жобасы «Ашық НҚА» порталында жарияланды. Осылайша 2026 жылғы 1 шілдеге дейін барлық көлік түрлерімен үшінші елдерден жаңа піскен қызанақты әкелуге тыйым салу көзделіп отыр.
Тиісті шектеу Еуразиялық экономикалық одаққа мүше мемлекеттерден және Қазақстан аумағы арқылы халықаралық транзитпен жеткізілетін өнімге қатысты емес екені айтылған.
Бұл шешім отандық өндірушілерді қолдау үшін қабылданған.
Құжатты жария талқылау 16 маусымға дейін жалғасады.
Бізге
отыр.
Егер құжат қабылданса, банктер, микроқаржы ұйымдары мен сақтандыру компаниялары ұсынатын қызметтері мен өнімдерінің халыққа кері әсер етпейтініне алдын ала баға беруге міндеттеледі.
Сондай-ақ олар клиенттерге барлық қажетті ақпараттың анық әрі түсінікті жеткізілуін қамтамасыз етуі керек.
Бұдан бөлек, қаржы ұйымдары өз өнімдерінің кімге арналғанын ескеріп, оны сәйкес келмейтін адамдарға ұсынбауы тиіс.
Мұндағы мақсат – қаржылық қызмет көрсету кезінде азаматтардың мүддесін қорғауды күшейту және олардың орынсыз тәуекелге ұрынуына жол бермеу.
Бізге
Армения Қазақстанға әуе рейстерін ашады
Қазақстан нарығына Арменияның жаңа шетелдік әуе тасымалдаушысы қосылды. Әуе компаниясы 12 маусымнан бастап Ереван – Алматы бағыты бойынша аптасына 2 рет (дүйсенбі және жұма) тікелей рейстер орындай бастайды. Осылайша екі ел арасындағы рейстердің жалпы саны аптасына 3 рейстен 5 рейске дейін артады.
Сондай-ақ 13 маусымнан бастап Ташкент – Қостанай әуе бағыты ашылады. Рейстер аптасына 1 рет (сенбі) «Airbus 320» үлгісіндегі әуе кемелерімен орындалады.
Бізге
Астанада шетелдіктерге ЖСН беру бойынша қылмыстық схема анықталды. Заң бойынша шетел азаматтары ЖСН-ды тек жеке өзі келіп, міндетті биометриялық тексеруден өткен жағдайда ғана ала алады
Алайда 2024–2025 жылдары бұл қызмет қашықтан көрсетілген. Күдіктілер қатарында «Азаматтарға арналған үкімет» мемлекеттік корпорациясы филиалының қызметкерлері бар. Бұл туралы Қаржы мониторингі агенттігі хабарлады.
Іс сотқа жолданды.
Бізге
Илон Маск әлемдегі алғашқы триллионер атанды
Бұл SpaceX компаниясы өз акцияларын биржаға шығарғаннан кейін мүмкін болды. Reuters жазуынша, бір акцияның бағасы 135 доллар деңгейінде белгіленген, осылайша 75 миллиард доллар инвестиция тартылды. Бұл – АҚШ тарихындағы ең ірі IPO. Осылайша SpaceX-тің нарықтық құны 1,77 триллион долларға жетіп, әлемдегі ең қымбат компаниялардың қатарына енді.
IPO-ға дейін Илон Масктың байлығы 780 миллиард долларға жуықтаған. Акцияларды орналастырғаннан кейін оның SpaceX-тегі үлесінің құны шамамен 866 миллиард долларға дейін өсті. Ал Tesla және басқа компаниялардағы активтерін қоса есептегенде, жалпы байлығы 1,1 триллион доллардан асып, оны әлемдегі алғашқы триллионерге айналдырды.
Бізге
АҚШ Ресей мұнайын Жапонияға тасымалдауға рұқсат берді
АҚШ Қаржы министрлігі Ресейдің «Сахалин-екі» мұнай-газ жобасынан өндірілген шикізатты теңіз арқылы тасымалдауға рұқсат беретін лицензияның мерзімін осы жылдың 18 желтоқсанына дейін ұзартты. Алайда бұл мұнай тек Жапонияға импортталуы тиіс. Вашингтон бұл лицензияны алғаш рет төрт жыл бұрын енгізген және содан бері бірнеше рет ұзартты.
Күн шығыс елі үшін аталған жоба - энергетикалық қауіпсіздік тұрғысынан маңызды. Сондықтан Токио бұған дейін аталған жобаның мұнайын халықаралық баға шектеулерінен де алып тастаған еді.
Сонымен қатар АҚШ Ресейдің санкцияға іліккен бірқатар банктерімен азаматтық атом энергетикасы саласындағы операцияларға рұқсат беретін лицензияны да желтоқсанға дейін ұзартты. Бұл қатарда Сбербанк, ВТБ, Газпромбанк және Ресейдің Орталық банкі сияқты қаржы ұйымдары бар. Бұл шешім АҚШ-тың санкциялық қысымды сақтай отырып, Жапонияның энергия қауіпсіздігі мен халықаралық атом жобаларының тұрақтылығын қамтамасыз етуге бағытталған.
Бізге
Трамп Иранмен жақын арада келісім жасалатынын айтты
АҚШ президенті Дональд Трамп Иранға жоспарланған әскери соққыларды тоқтатқанын хабарлады. Ол Тегеранмен келіссөздерде ілгерілеу бар деп отыр.
Сөзінше, келісімнің негізгі тармақтары АҚШ-пен қатар Израиль, Сауд Арабиясы, БАӘ, Қатар, Түркия, Пәкістан, Бахрейн, Кувейт, Иордания, Мысыр және басқа да мүдделі тараптармен келісілген. Ормуз бұғазындағы теңіз блокадасы бітімге толық қол жеткізілгенге дейін сақталмақ. Келісімге қол қоюдың нақты уақыты мен орны жақын күндері жарияланатыны да айтылды.
AFP агенттігінің хабарлауынша, журналистермен сөйлескен Трамп Иранмен жасалатын келісімге осы демалыс күндері Еуропада қол қойылуы мүмкін екенін де жоққа шығармады. Алайда Ақ үй басшысы бұл шараға өзі қатыса алмаймын деп отыр. 14 маусымда өзінің 80 жасын атап өтетіндіктен, ықтимал келісімге қол қою рәсіміне вице-президент Джей Ди Вэнс қатыспақ.
Десек те, Тегеран бұл бойынша әлі түпкілікті шешім қабылдамағанын мәлімдеді.
Бізге
