baq_kz

Олжас Бектенов Астанадағы Қазақ ұлттық спорт университетінің жұмысымен танысты.

Университетте спорт, медицина, журналистика, менеджмент, жасанды интеллект және киберспорт бағыттары бойынша мамандар даярланады.

Сондай-ақ шетелдік ЖОО-лармен бірлескен бағдарламалар мен жастарды қолдауға арналған жобалар жүзеге асырылып жатыр.

@baq_kz

Үлкен Алматы өзеніндегі гранит тақтайшалар нөсерге төтеп бере алмады

Әлеуметтік желіде блогер жаңбырдан кейінгі Үлкен Алматы өзенінің суреттерін жариялаған. Кадрларда өзендегі гранит тақтайшалар су ағынына төтеп бере алмай, бірқатары опырылғанын байқауға болады.

Алматы қаласының әкімдігі не дейді?

Әкімдік мәліметінше, нөсерден кейін Үлкен Алматы өзеніндегі су деңгейінің күрт көтерілуі салдарынан бұрыннан бар гранит қаптамалардың бір бөлігі ығысқан.

Қазір мердігер ұйым оларды нығайту жұмыстарын жүргізіп жатыр. Сондай-ақ әкімдік өзен арнасын қайта жаңғырту жобасы әлі аяқталмағанын, нысанның пайдалануға берілмегенін және барлық жауапкершілік әзірге мердігерге жүктелетінін мәлімдеді.

@baq_kz

Алматыдағы тау өзендері мен көлдер тәулік бойы бақылауға алынды

ТЖМ-нің «Қазселденқорғау» мамандары Алматы өңіріндегі тау өзендері мен мореналық көлдерге әуеден мониторинг жүргізді.

Тексеру нәтижесінде сел қаупі анықталмаған, гидрологиялық жағдай тұрақты екені белгілі болды.

@baq_kz

Шымкентте блогер мен оның сыбайластары ақша бопсалады деген күдікпен ұсталды

Шымкентте полиция кәсіпкерлер мен мемлекеттік қызметшілерден ақша бопсалады деген күдікпен Instagram-да 150 мыңға жуық оқырманы бар блогерді және оның үш сыбайласын ұстады.

Тергеу мәліметінше, күдіктілер түрлі бейнематериалдар жинап, оларды әлеуметтік желіге жариялаймыз деп қорқытып, азаматтардан ақша талап еткен.

Қазіргі уақытта күдіктілер қамауға алынып, сотқа дейінгі тергеу жүргізіліп жатыр.

@baq_kz

Ақтөбе облысында полицейлер 69 жастағы тұрғынның саяжайын тексеру кезінде 67 түп көкнәрді анықтап, тәркіледі.

Оқиғаға байланысты сотқа дейінгі тергеу басталды. Полиция құрамында есірткі заты бар өсімдіктерді заңсыз өсіруге тыйым салынғанын ескертіп, мұндай деректер туралы 102 нөміріне хабарлауға шақырды.

@baq_kz

Үш облыста сел қаупі: «Қазселденқорғау» ескерту жасады

ТЖМ-нің «Қазселденқорғау» мекемесі 3–5 шілде аралығында Алматы, Жамбыл және Жетісу облыстарының таулы және тау бөктеріндегі аудандарында сел жүру қаупі жоғары екенін ескертті.

Мамандардың мәліметінше, ауа температурасының жоғары болуы мен алдағы нөсер жауын-шашын салдарынан өзендердегі су деңгейі көтеріліп, беткейлік ағын күшеюі мүмкін. Соның салдарынан сел және көшкін қаупі туындайды.

@baq_kz

Докторантураға түсуге өтініш қабылдау басталды

Бүгіннен бастап докторантураға түсу емтиханына (ДТЕ) қатысуға өтініш қабылдау басталды. Ол 2026 жылдың 3 тамызына дейін жалғасады. Емтиханның өзі 4-20 тамыз аралығында өтеді.

Түсу емтиханына қатысуға тіркелу ҚР ҒЖБМ Ұлттық тестілеу орталығының http://app.testcenter.kz сайтында өтеді. Ғылым және жоғары білім министрлігі докторантураға түсу үшін тек бір жоғары оқу орны мен білім беру бағдарламаларының бір тобын ғана таңдауға болатынын ескертті.

@baq_kz

Ресейдегі жанармай тапшылығы Қазақстан үшін дағдарыс туғызбайды – сарапшы

Ресей әлемдегі ең ірі мұнай экспорттаушы мемлекеттердің бірі болғанымен, бүгінде елде жанармай тапшылығы ушығып барады. Ақпаратқа сәйкес, Ресейдің 40-қа жуық өңірінде жанармай сатуға шектеулер енгізіліп, жанармай құю бекеттерінде ұзынсонар кезек пайда болған. Сонымен қатар жанармай бағасы да өсіп жатыр. Сарапшылар мұның негізгі себептерінің бірі ретінде Украинаның Ресейдегі мұнай өңдеу зауыттарына жасаған дрон шабуылдарын атап отыр. Соның салдарынан Ресей сырттан жанармай импорттауға мәжбүр болған.

@baq_kz

Ауа райы болжамы

"Қазгидромет" РМК синоптиктері ертең, 2026 жылғы 3 шілдеде елдің басым бөлігінде қолайсыз ауа райына байланысты ескерту жасады.

@baq_kz

Алматы облысында алдын алу жұмыстары жалғасып жатыр

ТЖМ мәліметінше, Алматы облысында қауіпсіздікті қамтамасыз ету және ықтимал төтенше жағдайлардың алдын алу жұмыстары жалғасуда.

Қарасай ауданында Ақсай өзенінің су ағысын негізгі арнаға бұру жұмыстары жүргізілуде. Қауіпсіздік мақсатында 9 үйден 11 адам, оның ішінде бір бала алдын ала эвакуацияланды. Зардап шеккендер жоқ.

Еңбекшіқазақ ауданында жағалауды бекіту, жолды тазарту және көлік қозғалысын қалпына келтіру жұмыстары жалғасуда. Бұған дейін 42 адам, оның ішінде 5 бала мен 8 шетел азаматы қауіпсіз жерге көшірілген.

@baq_kz

Жамбылда есірткі бизнесін ұйымдастырған 60 жастағы ер адам сотталды

Полиция қызметкерлері 2025 жылы Тараз және Алматы қалаларында есірткі құралдары мен психотроптық заттардың заңсыз айналымының жолын кесуге бағытталған ауқымды арнайы операция жүргізді.

Жамбыл облыстық Полиция департаментінің мәліметінше, жедел-іздестіру іс-шаралары мен тергеу әрекеттері кешені нәтижесінде облыстық прокуратураның үйлестіруімен аса ірі мөлшерде есірткі құралдары мен психотроптық заттарды заңсыз сақтап, өткізумен айналысқан ұйымдасқан қылмыстық топтың әрекеті әшкереленіп, жолы кесілді.

@baq_kz

Ресейде бензин дағдарысы күшейді. Бұл Қазақстанға әсер ете ме?

Мұнайы көп Ресейдің өзінде жанармай тапшылығы байқалып жатыр. Ондаған өңірде бензинге шектеу енгізіліп, бекеттерде ұзын-сонар кезек пайда болды.

Бұған Украинаның Ресейдегі мұнай өңдеу зауыттарына жасаған дрон соққылары әсер етті деген болжам бар. Тіпті Ресей жанармайды өзге елдерден импорттай бастады деген ақпарат шықты.

Ал бұл Қазақстан үшін нені білдіреді? Толығырақ YouTube арнамызда

@baq_kz

Мемлекет басшысы «Психологиялық қызмет туралы» Қазақстан Республикасының Заңына қол қойды

Заңның мәтіні баспасөзде жарияланады.

@baq_kz

Испанияда маусымдағы аптап ыстықтан 900-ге жуық адам көз жұмды

2026 жылы Еуропадағы бұрын-соңды болмаған аптап ыстық мыңнан астам адамның өмірін қиды. Испанияда алдын ала бағалау бойынша, экстремалды ыстық 900-ге жуық адамның өліміне себеп болған.

Қайтыс болғандардың басым бөлігі 65 жастан асқан адамдар. Ең осал топ ретінде егде жастағы әйелдер аталып отыр. Аптаптан әсіресе елдің солтүстік өңірлері қатты зардап шеккен.

@baq_kz

Алматыда балаға шабуыл жасаған ер адам қамауға алынды

Оқиға балалар алаңында болған және бейнебақылау камерасына түсіп қалған. Кадрларда ер адамның балаларға жақындап келіп, олардың бірін итергені көрінеді. Салдарынан бала дене жарақатын алған.

Күдікті сол тұрғын үй кешенінің тұрғыны. Алдын ала мәлімет бойынша, оқиғаға балалардың ойын кезінде болған жанжалы себеп болған.

Балаға дене жарақатын келтіру дерегі бойынша қылмыстық іс қозғалды. Күдікті қамауға алынды. Қазір қажетті тергеу әрекеттері жүргізіліп жатыр.

@baq_kz

Атырауда бетін бүркемелеген 150 адамға айыппұл салынды

Полицияның мәліметінше, бұл талап діни сенім бостандығын шектеу үшін емес, қоғамдық қауіпсіздік пен азаматтарды сәйкестендіруді қамтамасыз ету мақсатында енгізілген.

Қазір өңірде түсіндіру жұмыстары мен профилактикалық рейдтер жалғасып жатыр.

@baq_kz

Мемлекет басшысы Алатау қаласын дамытуды тағы бір маңызды міндет деп санайды

– Бүгінде Алатау әлемдік деңгейдегі арнаулы құқықтық режимге ие, қарқынды дамитын аумақ болып бекітілді. Дүние жүзінен инвестиция тарту және Алатауды халықаралық іскерлік орталықтардың біріне айналдыру мақсатында нормативтік база жасақталды. Шаһарды Қазақстандағы толық цифрланған алғашқы орталық ретінде жобалап жатырмыз.

@baq_kz

Кеңесте не айтылды?

Қытай–Өзбекстан бағыты бойынша транзит толық цифрландырылды.

Соңғы 15 жылда көлік-логистика инфрақұрылымына 35 млрд доллар инвестиция салынды.

Жер қойнауын пайдаланудың бірыңғай цифрлық платформасы іске қосылып, 22 мемлекеттік қызмет автоматтандырылды.

4,7 млн-нан астам геологиялық құжат ұлттық цифрлық қорға көшірілді.

Астанада сирек кездесетін металдарды зерттейтін өңірлік орталық ашылады.

Қазақстан екінші жыл қатарынан 27 млн тонна астық жинады.

200-ден астам «ақылды ферма» цифрлық технологиялармен жұмыс істеп жатыр.

Ауыл шаруашылығындағы субсидиялар толық цифрлық форматқа көшірілуде.

@baq_kz

Тоқаев Шетелдік инвесторлар кеңесінің 38-ші пленарлық отырысын өткізді

Президенттің айтуынша, былтыр Қазақстан экономикасы 6,5%-ға өсіп, ІЖӨ көлемі 300 млрд доллардан асты. Елге тартылған тікелей шетелдік инвестиция көлемі 150 млрд доллардан асып, Орталық Азиядағы көшбасшылық сақталды.

@baq_kz