Сообщений: 289 с 2026 года
Лента канала хранится отдельно от общего реестра и подгружается страницами, чтобы аналитик мог читать архив без тяжёлого общего поиска поверх сообщений.
Мемлекеттік қызметші күніне орай ұйымдастырылған мемлекеттік қызметшілер арасындағы Атырау облыстық спартакиадасында Атырау облысы бойынша Мемлекеттік қазынашылық департаментінің командасы волейбол ойынынан І орынға ие болды.
Бұл жеңіс команданың жыл сайын бесінші жеңісі болып, олардың облыстың бес дүркін волейбол чемпионы атануына мүмкіндік берді. Департамент командасын жетістігімен құттықтап, алдағы уақытта жаңа жеңістер мен толағай табыстар тілейміз!
Абай облысы бойынша Мемлекеттік қазынашылық департаментінде төтенше жағдайлар бойынша техникалық оқыту өткізілді
Семей қаласының Төтенше жағдайлар басқармасының инженер-маманы Н. Болатов Абай облысы бойынша Мемлекеттік қазынашылық департаментінің ұжымына 2026 жылдың II тоқсанына арналған төтенше жағдайлар бойынша іс-шаралар жоспарына сәйкес техникалық оқыту жүргізді.
Оқыту барысында қызметкерлерге ғимараттардағы өрт қауіпсіздігі талаптары түсіндіріліп, өрттің алдын алу шаралары мен төтенше жағдай туындаған кездегі іс-қимыл тәртібі туралы ақпарат берілді. Сонымен қатар, жазғы кезеңде су айдындарында қауіпсіздік ережелерін сақтау, рұқсат етілмеген жерлерде шомылмау және балаларды қараусыз қалдырмау мәселелеріне ерекше назар аударылды.
Бүгін Қазақстан Республикасы Мемлекеттік қазынашылық комитеті төрағасының орынбасары Мұрат Әділханов Комитет қызметкерлері үшін Қазақстан Республикасының жаңа «Мемлекеттік қызмет туралы» Заңының нормалары бойынша дәріс өткізді.
Дәріс барысында мемлекеттік қызметтің негізгі қағидаттары, мемлекеттік қызметшілердің құқықтары мен міндеттері, меритократия қағидаттарын одан әрі жетілдіру, қызметтік әдеп нормаларын сақтау және заңнамадағы негізгі жаңашылдықтар түсіндірілді.
Сегодня заместитель Председателя Комитета государственного казначейства Мурат Адилханов прочитал лекцию для сотрудников Комитета по нормам нового Закона Республики Казахстан «О государственной службе».
В ходе лекции были разъяснены основные принципы государственной службы, права и обязанности государственных служащих, вопросы дальнейшего развития принципов меритократии, соблюдения служебной этики, а также ключевые нововведения законодательства.
Қызылорда облысы бойынша Мемлекеттік қазынашылық департаменті, 05.06 2026 жылы Қазақстан Республикасы Мемлекеттік қызмет істері агенттігі төрағасы Д.Жазықбаевтың 2026 жылғы 19 қаңтардағы №8 бұйрығымен бекітілген, Әдеп жөніндегі уәкілдердің 2026 жылға арналған үлгілік жұмыс жоспарына сәйкес, Мемлекет басшысы 2026 жылғы 19 мамырда қол койған «Қазақстан Респуликасының мемлекеттік кызмет туралы» жана Заңына және мемлекеттік органда мемлекеттік қызметшілерді Сыбайлас жемкорлыққа қарсы қызмет және Агенттікпен әзірленген материалдармен таныстыру, оның ішінде
іскерлік әдеп пен ресми мінез-құлық қағидаларын сақтануға түсіндірме жұмыстарын жүргізу мақсатында ҚР Мемлекеттік қызмет істері агенттігінің Қызылорда облысы бойынша департаменті басшысының орынбасары Бибітова Мирамкүл Малайкызы семинар-кеңес өткізді .
Жас мамандарды қазынашылық органдарына мемлекеттік қызметке тарту мақсатында Ақмола облысы бойынша Мемлекеттік қазынашылық департаментінің персоналмен жұмыс істеу бөлімінің басшысы, Әдеп жөніндегі уәкіл А. Каиржанова 2026 жылғы 3 маусымда Жастар ресурстық орталығы ұйымдастырған бос жұмыс орындары жәрмеңкесіне қатысты. Аталған іс-шара жастардың мемлекеттік қызметке қызығушылығын арттыруға, сондай-ақ қазынашылық органдарына білікті және перспективалы кадрларды тартуға бағытталды.
4 маусым Қазақстан Республикасының Мемлекеттік рәміздер күні.
Мемлекеттік рәміздер - еліміздің тәуелсіздігі мен егемендігінің айқын белгісі, халқымыздың тарихын, Ұлттық құндылықтарың және бірлігін айшықтайтын қасиетті нышандар.
Мемлекеттік Ту, Мемлекеттік Елтаңба, Мемлекеттік Әнұран әрбір азаматтың Отанға деген сүйіспеншілігін, патриоттық рухын және жауапкершілігін нығайтады.
Батыс Қазақстан облысы бойынша мемлекеттік қазынашылық департаментінің Бөрлі аудандық мемлекеттік қазынашылық басқармасы барша қазақстандықтарды Қазақстан Республикасының Мемлекеттік рәміздер күнімен құттықтайды!
Мемлекеттік рәміздеріміз еліміздің өсіп өркендеуіне, тәуелсіздігіміздің нығаюына және халқымыздың бірлігінің арта түсуіне әрдайым қызмет ете берсін.
меніңрәміздерімменіңмақтанышым
Қазақстан Республикасының Мемлекеттік рәміздері күніне орай Ақмола облысы бойынша Мемлекеттік қазынашылық департаментінде «Біздің рәміздеріміз – біздің мақтанышымыз» атты интерактивті викторина өтті. Викторинаны «Тілдерді оқыту орталығы» КММ оқытушысы Н.О. Мұхаметжанова ұйымдастырды.
Іс-шараның мақсаты – мемлекеттік рәміздердің мәні мен маңызын дәріптеу, қатысушылардың патриоттық сезімін нығайту және ұлттық құндылықтарға деген құрметті қалыптастыру.
Викторина барысында департамент қызметкерлері Қазақстан Республикасының Мемлекеттік Туы, Мемлекеттік Елтаңбасы және Мемлекеттік Әнұраны туралы білімдерін көрсетіп, сұрақтарға белсенді жауап берді. Сонымен қатар, мемлекеттік рәміздердің тарихы мен маңызы туралы пікір алмасып, жоғары белсенділік танытты.
Ақмола облысы бойынша Мемлекеттік қазынашылық департаментінде мемлекеттік қызметшілердің деструктивті діни ағымдардың ықпалына түсуінің алдын алу мақсатында семинар өткізілді.
Семинар барысында «Конфессияаралық қатынастарды талдау және дамыту орталығы» КММ ақпараттық-түсіндіру жұмысы және оңалту бөлімінің дінтанушы маманы Қошмағамбетов Р.М. мемлекеттік қызметшілердің деструктивті діни ағымдардың қызметіне тартылуының алдын алу мәселелері бойынша баяндама жасады.
Іс-шара барысында қатысушыларға діни қауіпсіздік мәселелері бойынша түсіндірме жұмыстары жүргізіліп, пайдалы ақпарат ұсынылды.
Ескелді ауданында Мемлекеттік Ту тұғырын көтеру рәсімі өтті.
Салтанатты шараға Ескелді аудандық Мемлекеттік қазынашылық басқарма қызметкерлері де қатысып, еліміздің басты рәмізіне құрмет көрсетті. Көк байрағымыз әрдайым биікте желбірей берсін!
Ағымдағы жылдың 4 маусым күні Сарқан аудандық мемлекеттік қазынашылық басқармасының ұжымы Мемлекеттік рәміздер күніне орай ұйымдастырылған мерекелік салтанатты шараға қатысты.
Қазақстанда жыл сайын 4 маусымда Мемлекеттік рәміздер күні аталып өтеді. Бұл – ел тәуелсіздігінің басты нышандары саналатын
Рәміздер – егемен елдің тарихын, болмысын және тәуелсіздігін айшықтайтын маңызды белгілер.
Мемлекеттік рәміздер күні – мереке ғана емес, рәміздердің тарихи және рухани маңызын еске салатын күн. Әрбір азамат өз елінің мемлекеттік рәміздерін біліп, құрметтеуге тиіс.
Батыс Қазақстан облысы бойынша Мемлекеттік қазынашылық департаментінің Шыңғырлау аудандық мемлекеттік қазынашылық басқармасы Сіздерді 4 маусым – Қазақстан Республикасының Мемлекеттік рәміздер күнімен шын жүректен құттықтайды!
Менің рәміздерім менің мақтанышым. Қазақстан Республикасында Мемлекеттік рәміздер күні жыл сайын 4 маусымда аталып өтеді. Осыған орай 2026 жылғы 4 маусым күні Батыс Қазақстан облысы бойынша Мемлекеттік қазынашылық департаментінің Қаратөбе аудандық мемлекеттік қазынашылық басқармасының қызметкерлері аудандық орталық алаңда ұйымдастырылған іс-шараға қатысып Мемлекеттік әнұранды орындады. Мерекеміз құтты болсын!
4 маусым – Қазақстан Республикасының Мемлекеттік рәміздері күні. Бұл мереке еліміздің тәуелсіздігін, егемендігін және халқымыздың бірлігін айқындайтын маңызды күн.
Мемлекеттік рәміздер күніне орай Атырау облысы бойынша Мемлекеттік қазынашылық департаментінің қызметкерлері мемлекеттік қызметшілер арасында ұйымдастырылған салтанатты іс-шараға қатысты.
Барша қазақстандықтарды Қазақстан Республикасының Мемлекеттік рәміздері күнімен шын жүректен құттықтай отырып, елімізге тыныштық, халқымызға амандық, мемлекетіміздің өркендеуін тілейміз!
4 маусым – Қазақстан Республикасының Мемлекеттік рәміздері күніне орай Абай облысы бойынша Мемлекеттік қазынашылық департаменті облыстық салтанатты іс-шараға қатысты.
Іс-шара барысында Қазақстан Республикасының Туы көтеріліп, Әнұраны шырқалды. Қызметкерлер мемлекеттік рәміздерге құрмет көрсету – әрбір азаматтың парызы екенін атап өтіп, олардың тарихи маңызы мен тәрбиелік мәніне тоқталды.
Атырау облысы бойынша Мемлекеттік қазынашылық департаментінің Құрманғазы аудандық мемлекеттік қазынашылық басқармасы Сіздерді 4 маусым – Қазақстан Республикасының Мемлекеттік рәміздер күнімен шын жүректен құттықтайды!
Мемлекеттік рәміздер – біздің Тәуелсіздігіміздің, бірлігіміз бен мақтанышымыздың нышаны. Елдігімізді нығайтып, болашағымызды жарқын ететін киелі белгілеріміз мәңгілікке асқақ болсын!
Егемен еліміздің рәміздері әрқашан биікте желбіреп, әр жүректе құрметпен сақталсын!
Бүгін 4 маусым – Қазақстан Республикасының Мемлекеттік рәміздері күніне орай Батыс Қазақстан облысы бойынша Мемлекеттік қазынашылық департаментінде салтанаты іс шара өтті. Сонымен қатар Департамент қызметкерлері Орал қаласындағы тұңғыш президент атындағы алаңда Мемлекеттік рәміздер күніне орай ту көтеру рәсіміне қатысты.
Мерекелік іс-шараға екі мыңға жуық адам қатысты. Жиналғандар Мемлекеттік тудың көтерілу рәсіміне куә болып, патриоттық әндерді бірге орындады.
Қазақстан Республикасында жыл сайын 4 маусым күні Мемлекеттік рәміздер күні атап өтіледі. Бұл – мемлекеттілікті, патриотизмді және ұлттық бірлікті нығайтуда ерекше маңызға ие мереке.
Мерекені атап өту аясында Қарағанды облысы бойынша Мемлекеттік қазынашылық департаментінің қызметкерлері Қарағанды облысы Әкімдігі ұйымдастырған салтанатты іс-шараға қатысты. Іс-шара ту тұғыры алаңында өтті. Онда Қазақстан Республикасының Мемлекеттік Туын көтерудің және Мемлекеттік Гимнді орындаудың орталық салтанатты рәсімі өткізілді. Іс-шараға мемлекеттік қызметшілер, ардагерлер, қоғам өкілдері және шығармашылық ұжымдардың мүшелері қатысты.
Қазақстан Республикасының Мемлекеттік рәміздері – тәуелсіз мемлекеттің ең маңызды нышандары болып табылады. Олар еліміздің тарихын, құндылықтарын және одан әрі дамуға деген ұмтылысын бейнелейді. Барша қазақстандықтарды Қазақстан Республикасының Мемлекеттік рәміздер күнімен құттықтаймыз! Елімізге бейбітшілік, береке-бірлік және гүлдену тілейміз!
2026 жылғы 4 маусым күні Павлодар облысы бойынша Мемлекеттік қазынашылық департаментінің Әдеп жөніндегі уәкілі А.Е.Молдагалиев, шарттарды тіркеу бөлімі қызметкерлерінің қатысуымен, Қазақстан Республикасының сыбайлас жемқорлыққа қарсы іс-қимыл заңының және мемлекеттік қызметшілердің Әдеп кодексін сақтау мәселелері бойынша түсіндірме жұмыстарын жүргізді.
Қостанай облысы бойынша Мемлекеттік қазынашылық департаменті Сіздерді 4 маусым – Қазақстан Республикасының Мемлекеттік рәміздер күнімен шын жүректен құттықтайды!
Мемлекеттік рәміздеріміз – Тәуелсіздігіміздің, егемендігіміздің және ұлттық бірлігіміздің айқын көрінісі. Көк Туымыз әрдайым биікте желбіреп, Елтаңбамыз бен Әнұранымыз халқымыздың мақтанышы мен рухани құндылығы болып қала берсін.
Қызылорда облысы бойынша Мемлекеттік қазынашылық департаменті және аумақтық аудандық, қалалық Мемлекеттік қазынашылық басқармаларыда 4 маусым Мемлекеттік Рәміздер күнін атап өтті.
