tizginkz

«Әділет» партиясының қатарына кімдер қосылды

Қазақстандағы бірқатар ірі қоғамдық бірлестіктер мен салалық қауымдастықтар «Әділет» саяси партиясымен ынтымақтастық орнатуға дайын екенін мәлімдеді.

Олардың ішінде

«PARYZ» жұмыс берушілердің ұлттық конфедерациясы

Қазақстан инвесторлары қауымдастығы

Қазақстан тау-кен палатасы

Қазақстан автомобиль одағы

«Qazaq Green» қауымдастығы

Women in Tech Kazakhstan

Қазақстандағы жасанды интеллектті дамыту қауымдастығы

Қазақстан кинематографистер лигасы

«Жаңа адамдар» және «Дала қырандары» қоғамдық бірлестіктері бар.

️Тізгінге тіркеліңіз

Президент Қасым-Жомарт Тоқаев Қазақстанды “Штрафстан” деп әжуалайтын азаматтарға жауап берді.

“Кейбір елімізді жақтырмайтын, менсінбейтін кісілер, өкінішке қарай, солардың ішінде Парламент депутаттары бар, құқықтық әрекеттерімізді «Штрафстан», «Айыппұлстан» деп атайды екен. Мейлі, өз ойларының келтелігін көрсете берсін.

Ал халқымызға қоғамдық тәртіп пен қауіпсіздік керек. Сондықтан біз осы жолдан таймаймыз, батыл түрде «Заң мен тәртіп» саясатын жүргіземіз. Себебі бұл – халқымыздың талабы, халқымыздың сұранысы. Бүкіл қоғам да, әкімдер де бұл мәселеге баса назар аударуы керек», - дейді ол.

️Тізгінге тіркеліңіз

Ақтаудағы депутат өлімі: клиниканың қателігі анықталды

Ведомство мәліметіне сәйкес, Ақтау қаласындағы жеке клиникада науқас қайтыс болғаннан кейін көрсетілген медициналық көмектің сапасына жоспардан тыс тексеру жүргізілген.

«Тексеру ұйымдастырушылық-тактикалық, емдеу-диагностикалық іс-шаралар бойынша, сондай-ақ медициналық құжаттаманы жүргізуде бірқатар кемшіліктерді анықтады», – деп хабарлады ведомство.

Психоаналитик: Жұмысбастылық – қоғам қолдайтын тәуелділік

Психоанализ тұрғысынан қарағанда, тәуелділік тек алкоголь, есірткі немесе құмар ойындармен ғана шектелмейді. Адам жұмысқа, қарым-қатынасқа, мойындалуға, әлеуметтік желілерге, тамаққа, сатып алуға, жетістікке және тіпті басқалардың мақұлдауына да тәуелді болуы мүмкін.

Tizgin.kz тілшісі осы тақырыпта психоаналитик, Орталық Азия психоанализ институтының директоры Анна Құдияровамен әңгіме өрбітті.

Қытайда ұсталған Қазақстан азаматы Махмұтхан Шерназаровтың туыстары әлеуметтік желі арқылы елден көмек сұрады.

Threads желісінде жарияланған жазбада отбасы Қытайда болған қайғылы оқиғаға байланысты істің әділ әрі жан-жақты қаралуын сұраған.

Айтуларынша, Махмұтхан Қытай азаматы қаза тапқан жанжалдың ортасында қалған.

Туыстарының мәліметінше, оқиға кезінде бірнеше адам қазақстандық азаматқа жабылып, оны соққыға жыққан. Жазба авторы бұл жағдайдың бейнежазбасы бар екенін де айтқан.

«Ол шабуылға тап болды. Қашып кетуге мүмкіндік болмаған. Махмұтхан өз өмірін қорғауға мәжбүр болды. Адам өлімі осы өзін-өзі қорғау кезінде болған», – делінген жазбада.

Жақындары қазақстандықтың әдейі шабуыл жасамағанын айтып, Қытай тарапы барлық дәлелді, соның ішінде бейнежазбаларды ескеріп, әділ шешім қабылдайды деп үміттенетінін жеткізді.

️Тізгінге тіркеліңіз

Жақында Мәжіліс депутаты Бақытжан Базарбек айлығы отбасын асырауға жетпейтінін айтып, сол үшін әйелін жұмысқа шығарғанын ашық мәлім еткен еді. Осы ретте алда Құрылтай құрылғанда депутаттар айлығы өсуі мүмкін бе?

Осы сұрақ Үкіметте бүгін Еңбек және халықты әлеуметтік қорғау министрі Асқарбек Ертаевқа қойылған. Ертаев одан хабарсыз екенін айтты. Ал өзінің айлығы 1,2 млн теңге екенін жеткізген ол табысы 4 баласына жететінін, кредитті де сәтті жауып жатқанын атап өтті.

️Тізгінге тіркеліңіз

«Баяндамаңыз жақсы, бірақ жарылыс бәрін көрсетті»: Бектенов «Казцинкке» шүйлікті

Премьер-министр Олжас Бектенов «Қазмырыштағы» жарылыстан кейін кәсіпорындағы қауіпсіздік шараларын күшейтуді тапсырды.

Еске салсақ, 5 мамырда «Казцинк» компаниясының Өскемендегі зауытында жарылыстьан екі адам қаза тауып, 5 адам зардап шекті. Кейіннен ауруханада тағы бір адам көз жұмған еді.

Үкімет отырысында сөз алған «Қазмырыш» директоры Жанат Жанботин мұндай жағдайдың қайталанбауын қамтамасыз ету үшін арнайы жұмыс тобы құрылғанын мәлімдеді. Өз кезегінде премьер-министр Олжас Бектенов атқарылып жатқан жұмыстарға қарамастан, мамырдағы қайғылы жағдай қауіпсіздік мәселесінің әлі де өзекті екенін көрсетті деді.

«Жақсы баяндап тұрсыз. Бірақ мамырдағы оқиға сөзіңізді жоққа шығарып отыр. Сондықтан қосымша шаралар қабылдаңыздар», – деді Бектенов.

Декретке шығарда табысын өтірік көп етіп көрсетіп, ақша тапқысы келетіндер сотталып жатыр

Бүгін үкіметтегі баспасөз мәслихатында Еңбек және халықты әлеуметтік қорғау министрі Асқарбек Ертаев нақты мысалдарды келтірді. Сөзінше, «помогайкалар» әйелдердің табысын арттыра көрсетіп, сол үшін сотталған. Сотталғандардың ішінде кәсіпкерлер де бар.

Министр мұндай әрекеттердің бәрінің жолы кесілетінін айтып, ескерту жасады.

️Тізгінге тіркеліңіз

“Немерелерім орысша сөйлей бастады”

Депутат Қазыбек Иса Астанадағы балабақшалардың біріне немерелерін бергенін, алайда балабақша қазақ тілінде болса да, олар орыс тілінде сөйлей бастағанын айтады. Осыдан кейін депутат немерелерін оқу орталықтарына беруіне мәжбүр болған. “Сол жағалауда қазақ тіліндегі жөнді балабақша таппадым” дейді депутат.

Қазыбек Иса осыған байланысты балабақшалардың бәрін (мемлекеттік) қазақ тіліне ауыстыру керек деп ұсыныс жасап отыр.

Қазақстан Сыртқы істер министрлігі Қазақстанда Еуроодақтан келетін босқындарға арналған орталықтар ашылады деген ақпаратты жоққа шығарады

Министрліктің ресми өкілі Ерлан Жетыбаев бұл мәлімдемені БАҚ-та, соның ішінде Politico басылымында жарияланған ақпаратқа байланысты жасады. Оның айтуынша, қазір Қазақстан мен Еуроодақ арасында визалық режимді жеңілдету бойынша консультациялар жүріп жатыр. Бұл келіссөздер реадмиссия туралы келісіммен қатар талқылануда.

Реадмиссия келісімі шетелде заңсыз жүрген Қазақстан азаматтарын елге қайтару міндетін қарастырады.

️Тізгінге тіркеліңіз

Өнеркәсіптік қауіпсіздік инспекторларының жалақысы 70%-ға дейін өседі

Қазақстанда өнеркәсіптік қауіпсіздік саласында инспектор тапшылығы байқалады. Бұл туралы Үкімет отырысында ТЖМ басшысы Шыңғыс Әрінов мәлімдеді.

Министрдің айтуынша, саладағы кадр мәселесін шешу үшін техникалық ЖОО-ларда «Өнеркәсіптік қауіпсіздік» пәні енгізіле бастады.

Сондай-ақ 1 шілдеден бастап өнеркәсіптік қауіпсіздік инспекторларына 30%-дан 70%-ға дейін үстемеақы төлеу жоспарланып отыр.

ТЖМ бұл шаралар саладағы кадрлық әлеуетті күшейтуге мүмкіндік береді деп отыр.

️Тізгінге тіркеліңіз

Еуроодақ сириялық және ауған мигранттарын Қазақстанға жібергісі келеді

ЕО көші-қон саясатын қатаңдататын жаңа регламент бойынша алдын ала келісімге келді. Енді Еуроодақ аумағында баспана берілмеген мигранттарды одақтан тыс елдердегі арнайы орталықтарға орналастыру қарастырылып отыр.

AFP мәліметінше, мұндай орталықтар ашылуы мүмкін елдердің қатарында Қазақстан, Өзбекстан, Руанда және Уганда аталады. Идеяны Германия, Аустрия және Дания қолдап отыр.

Жаңа ережеге сәйкес

заңсыз мигранттарды қамауға алу жиілеуі мүмкін

ЕО-ға қайта кіруге тыйым күшейеді

әлеуметтік төлемдерді қысқарту шаралары қарастырылған.

Құқық қорғаушылар бұл бастама адам құқықтарының бұзылуына алып келуі мүмкін деп дабыл қағып жатыр.

219 км/сағатпен жүрген: Алматыда үш кісіні өлтірген адам 1 жылдан соң босап шығуы мүмкін

Алматыда үш кісіні көлігімен қағып өлтірген күдікті бір жылдан кейін-ақ түрмеден босап шығуы мүмкін. Мұндай болжамды белгілі адвокат Джохар Өтебеков айтты.

Ажал құшқан үш кісінің туған-туыстары кінәсін мойындаған күдіктіге тек шартты жаза беруді сұрап отыр. Қоғамда осы мәселе қызу талқыға түсті. Тіпті күдікті осыдан кейін бостандыққа шығуы мүмкін деген де болжамдар айтты.

Адвокат Джохар Өтебековтің сөзінше, тараптарды татуластыру бұл жағдайда мүмкін емес.

“Алайда заң мұндайда шартты жаза беруге тыйым салмайды. Көп жағдайда соттар ондай шешім шығармайды. Формальды санкция – 7 жылдан 10 жылға дейін. Соттар әдетте, шығын өтеліп, ауырлатар мән-жайлар болмаса бес жыл береді. Айыпты қоныс колониясында отырады. Бұл түрмеден едәуір жеңіл. Уақытша оқшаулағышта отырған әр күн екі күн деп есептеледі. Ақыры, жазасының төрттен бірін өтеген соң (1 жыл 3 ай) ол бостандыққа шығуы мүмкін”, – дейді ол.

Өскеменде қазақ мәдениетін жаңа форматта танытатын «Дәстүр HUB» ашылды

1 маусымда Шығыс Қазақстан облыстық балалар және жасөспірімдер кітапханасында жаңа шығармашылық алаң – «Дәстүр HUB» салтанатты түрде ашылды.

Жобаның дәл кітапхана базасында жүзеге асуы кездейсоқ емес. Қазақстан Президенті Қасым-Жомарт Тоқаев оқу мәдениетін дамыту мен оқырман ұлт қалыптастырудың маңызын үнемі атап өтіп келеді. Бүгінде кітап тек білім көзі ғана емес, ойлау қабілетін дамытудың, дүниетанымды кеңейтудің және ақпаратты өз бетінше саралай білудің маңызды құралы саналады.

Жаңа «Дәстүр HUB» бірнеше бағытты тоғыстырады. Мұнда кітап оқу, шығармашылық, ұлттық мұра және заманауи технологиялар бір кеңістікте үйлесім тапқан.

Ресей үкіметі 2026 жылдың 30 қарашасына дейін авиациялық керосин экспорттауға уақытша тыйым салды. Шешім Ресейдегі мұнай өңдеу зауыттарына жасалған шабуылдардан кейін ішкі жанармай нарығын тұрақтандыру мақсатында қабылданған.

Шектеу биржа арқылы сатып алынған авиаотынға да қатысты. Тек ұшақ бактарындағы жанармайға, алдын ала рәсімделген партияларға және үкіметаралық келісімдер аясындағы жеткізілімдерге ғана рұқсат беріледі.

Ресей авиациялық керосинді негізінен Орталық Азия елдеріне, соның ішінде Қазақстан, Қырғызстан, Тәжікстан және Өзбекстанға экспорттап келген.

Бұған дейін Ресей бензин мен дизель отынын экспорттауға да шектеу енгізген еді. Ал әлемдік нарықта Таяу Шығыстағы жағдайға байланысты авиаотын тапшылығы күшейіп отыр.

️Тізгінге тіркеліңіз

Түркістанда Ыбырай Алтынсарин атындағы балалар кітапханасының заманға сай ғимараты ашылды

Түркістан қаласында Ыбырай Алтынсарин атындағы облыстық балалар кітапханасының жаңа заманауи ғимараты пайдалануға берілді. Ашылу салтанатына арнайы қатысқан Түркістан облысының әкімі Нұралхан Көшеров көпшілікті айтулы оқиғамен құттықтап, оның қоғам үшін маңызына ерекше тоқталды, деп хабарлайды Түркістан облысы әкімінің баспасөз қызметі.

Өңір басшысы өз сөзінде биыл кітапхананың құрылғанына 65 жыл толып отырғанын атап өтіп, мерейтой қарсаңында жаңа ғимараттың ашылуы облыс руханияты үшін маңызды тарихи оқиға екенін жеткізді. Сонымен қатар жаңа нысанның Халықаралық балаларды қорғау күні қарсаңында пайдалануға берілуі аймақ балаларына жасалған ерекше тарту екенін айтты.

Жобаның жалпы құны – 481,336 млн теңге. Ғимараттың жалпы аумағы – 1065,3 шаршы метр. Кітапхана бір мезетте 100 оқырманға қызмет көрсетуге қауқарлы. Мұнда 50-ден астам маман еңбек етеді.

Роман Скляр «Бәйтерек» холдингінің директорлар кеңесінен шығарылды

Бұл өзгеріс туралы ақпарат KASE алаңында жарияланған деректерден белгілі болды.

«Бәйтерек» холдингінің жалғыз акционері Роман Склярды директорлар кеңесі құрамынан шығару туралы шешімді 2026 жылғы 15 мамырда қабылдаған.

Роман Скляр 5 мамырда Президент Әкімшілігінің басшысы болып тағайындалған еді.

️Тізгінге тіркеліңіз

24 мамыр күні Екібастұзда ауыр жол-көлік оқиғасы болды. Алдын ала мәлімет бойынша, артқа қарай қозғалған ГАЗ көлігінің жүргізушісі жаяу жүргіншіні қағып кеткен.

Оқиға кезінде әйел адам қолында кішкентай баласын көтеріп тұрған. Салдарынан әйел түрлі дене жарақатын алып, көптеген сүйегі сынған. Ол ауыр жағдайда жансақтау бөліміне жеткізіліп, кейін жағдайы тұрақтанған соң травматология бөліміне ауыстырылған.

Павлодар облыстық денсаулық сақтау басқармасының мәліметінше, қазіргі уақытта науқастың жағдайы тұрақты, ауырлығы орташа деңгейде. Оған қажетті медициналық көмек көрсетіліп жатыр.

Ал балаға қатысты медициналық көмекке жүгіну фактісі тіркелмеген. Алдын ала ақпарат бойынша, сәби зардап шекпеген.

Қазір қоғамда ата жұртына қайтып келетін қандастардың қазақ тілінде тест талап ету мәселесі қызу талқыланып жатыр. Бұл мәселенің өзекті екенін мәжіліс депутаттары да көтерген. Олардың айтуынша, кирилл қарпін оқымаған қазақтардан тест талап ету орынсыз.

Ендеше, еңбек министрлігінің осы пилоттық жобасы Қазақстанға қандастардың көшін тоқтатпай ма?

Осы сұрақты журналистер еңбек және халықты әлеуметтік қорғау бірінші вице-министрі Ербол Тұяқбаевқа қойды

қандастар

Мұнай нарығы сабасына түсіп келе ме: Brent бір айда 13% арзандады

Investing.com платформасындағы Brent Oil Futures деректеріне сүйенсек, мамыр айында Brent маркалы мұнай 13,28% арзандаған. Дегенмен мұнай нарығы әлі де құбылмалы7

Investing.com платформасындағы деректер мұнай бағасы қысқа мерзімде төмендегенімен, әлі де қымбат аймақта қалып отырғанын көрсетеді.

Соңғы бір аптада Brent бағасы 2,42% төмендеген. Бір ай ішіндегі төмендеу – 13,28%. Бұл мұнай нарығында қысқа мерзімді түзету жүріп жатқандай көрінеді. Алайда үш айдың өлшемімен қарасақ, Brent шамамен 29,43% өскен. Бір жылдық кезеңде 46,81% өсім болған.