Сообщений: 601 с 2026 года
Лента канала хранится отдельно от общего реестра и подгружается страницами, чтобы аналитик мог читать архив без тяжёлого общего поиска поверх сообщений.
БАҚ ӨКІЛДЕРІНЕ ӘЛЕУМЕТТІК ҚОЛДАУ ЖАЛҒАСЫП КЕЛЕДІ
Бұқаралық ақпарат құралдары қызметкерлерінің кәсіби мерекесі қарсаңында отандық медиа өкілдеріне биыл ерекше әлеуметтік қолдау көрсетілді. Мемлекет басшысының тапсырмасымен еліміз бойынша 66 журналистке жаңа пәтердің кілті табысталды. Бұл бастаманың басты ерекшелігі сол — биыл тұңғыш рет Астана мен Алматы қалаларымен қатар, аймақтарда қызмет ететін өңірлік БАҚ өкілдері де баспанамен қамтылып отыр.
Әр зауыттың жанында кем дегенде 10 логистикалық компания болады
«Берекелі бизнес» бағдарламасында газоблок зауытының жұмысымен таныстық. Кәсіпорын басшысының айтуынша, әрбір өндіріс орнының айналасында кем дегенде 10 логистикалық компания жұмыс істейді. Бұл өнімді дер кезінде жеткізуге, өндіріс көлемін ұлғайтуға және жаңа жұмыс орындарының ашылуына оң әсер етеді.
Спортты серік еткен жастар үшін барлық жағдай жасалған
«Ауыл және әкім» бағдарламасында Машат ауылдық округінің әкімі өңірде атқарылған жұмыстар туралы баяндады. Оның айтуынша, ауылда жастардың спортпен тұрақты айналысуына барлық мүмкіндік қарастырылған. Заманауи спорт алаңдары салынып, тұрғындардың салауатты өмір салтын ұстануына қолайлы жағдай жасалуда.
Саяхаттау үшін қанша қаражат керек?
«Нәзік әлем» бағдарламасында туризм саласы талқыланды. Бағдарламада саяхатқа шығу үшін ең алдымен қаржылық жоспардың маңызды екені айтылды. Мамандардың пікірінше, сапар құны бағытқа, демалыс ұзақтығына және туристің таңдауына байланысты өзгергенімен, алдын ала бюджет құру артық шығынның алдын алуға көмектеседі.
Блогерлер журналистерді алмастыра ала ма?
«Халық сөзі» бағдарламасында бұқаралық ақпарат құралдарының қоғамдағы рөлі талқыланды. Бағдарлама барысында блогерлер мен журналистердің қызметіндегі айырмашылықтар сөз болып, ақпарат таратудағы жауапкершілік, деректі тексеру және кәсіби этиканың маңыздылығы айтылды. Спикерлердің пікірінше, блогерлер ақпараттық кеңістікте өз орнын қалыптастырғанымен, кәсіби журналистиканың қоғам алдындағы рөлі мен жауапкершілігін толықтай алмастыра алмайды.
Фильмнің басты батылдығы – өлген тілді қайта жандандырған
«Киноталқы» бағдарламасында «Альфа» фильмі талқыланды. Бағдарлама барысында фильмнің басты ерекшеліктерінің бірі – ежелгі, қолданыстан шығып кеткен тілді ғылыми негізде қайта жаңғыртып, кейіпкерлердің сол тілде сөйлеуі екені айтылды. Бұл шешім көрерменді оқиға атмосферасына терең бойлатып, фильмнің шынайылығын арттырған маңызды қадам ретінде бағаланды.
емес. Солардың бірі — Шымкент қаласының тұрғыны, ауыр атлетикадан әлем чемпионатының жүлдегері Полатбек Теміров. Темірдей тәртіпті ұстанатын ол Отан алдындағы борышын өтеуге өз еркімен аттанған. Полатбек 2022 жылдан бері толайым табыстарға қол жеткізді.
Мәселен, 59 келіге дейінгі салмақ дәрежесінде ел біріншілігінің төрт дүркін күміс және төрт дүркін қола жүлдегері атанды. Бүгінде әскери өмірдің қатаң режиміне бейімделген бозбала, шынығу жұмыстарын казарма қабырғасында да тоқтатқан емес.
ОҚУШЫЛАР АҚШ-ТАҒЫ ӘЛЕМДІК ЖАРЫСҚА ЖОЛДАМА АЛДЫ
Түркістандық оқушылар роботтехникадан әлемдік сайысқа жолдама алды. NIS мектебінің командасы халықаралық FIRST бағдарламасы аясындағы іріктеу кезеңдерінде үздік шығып, АҚШ-тың Техас штатында өтетін финалдық жарыста Қазақстан намысын қорғамақ.
Жасанды жаңбырдың ауа райына қатысы жоқ
Түркістан облысында соңғы уақыттары тым жиілеп кеткен жауын-шашын жасанды жаңбырға ешқандай қатысы жоқ. Бұл туралы жауапты мамандар ресми мәлімдеді. Олардың айтуынша, өңірдегі ауа-райының құбылуы табиғи үрдістерге байланысты.
Ал Түркістан облысында жүзеге асырылып жатқан жасанды жаңбыр жобасы құрғақшылықпен күресуге бағытталған пилоттық бастама. Оның негізгі мақсаты құм көшкінін тоқтату, топырақтағы ылғалды сақтау және су ресурстарын тиімді басқару. Осы уақытқа дейін Созақ ауданы мен Қызылқұм аймағында бірнеше тәжірибелік сынақ жүргізілген.
Мамандардың айтуынша, қолданылатын реагенттер белгілі бір аумақты ғана қамтиды. Айта кетейік, жоба халықаралық ынтымақтастық аясында жүзеге асуда және толықтай Біріккен Араб Әмірлігі қаржыландырып отыр.
ДЕРБІСЕКТЕГІ ДАУ СОТТА ҚАРАЛУДА
Ширек ғасыр бойы жұртты дүрбелеңге салған Дербісектегі судың дауы басылатын емес. Ауылдағы стратегиялық маңызы бар су ұңғымасын пайдаланып келген кәсіпорынға қатысты бірқатар заң бұзушылықтар анықталып, іс сотқа жетті.
Прокуратура мен уәкілетті органдар заң талаптарының сақталмағанын алға тартуда. Ал тұрғындар болса, ауызсу мәселесінің түбегейлі шешілуін талап етеді.
ПРЕЗИДЕНТ ХАЛЫҚАРАЛЫҚ ФУТБОЛ АКАДЕМИЯСЫНА БАРДЫ
Президент Қасым-Жомарт Тоқаев еліміздегі бірегей спорт жобасы – «Атлетико де Мадрид Қазақстан» футбол академиясының жұмысымен танысты. Мемлекет басшысы алдымен еліміздің әр түкпірінен келген 116 жеткіншек тәрбиеленіп жатқан заманауи жатақхана ғимаратын аралады. Орталықта еліміз бойынша 4 мыңнан аса баланың ішінен іріктеліп шыққандарын испандық бапкерлер ойын әдістерін үйретуде.
Мұнда балалардың толыққанды оқуы мен жеке даярлығына барлық жағдай жасалған. Қасым-Жомарт Тоқаевқа спорттық инфрақұрылымды кеңейту жоспары, оның ішінде жаңа ашық алаңдар мен 500 орындық жабық манеж құрылысы таныстырылды.
Жыл басынан бері 1200 есірткі қылмысы анықталды
Жастардың болашағына балта шауып, мыңдаған адамның тағдырын талқандап жатқан есірткі індеті қоғам үшін ең өзекті қауіптердің біріне айналды. Заңсыз айналыммен күрес пен нашақорлықтың алдын алу мәселесі Үкіметте қаралды.
Премьер-министр Олжас Бектенов республикалық штаб отырысын өткізіп, құқық қорғау органдары мен жауапты министрліктердің атқарған жұмыстарын саралады. Сондай-ақ жауапты орындарға есірткі қылмысына қарсы күресті күшейтуге бағытталған бірқатар жаңа міндеттер жүктеді.
Бүгін қорытынды жаңалықтардан көретіндеріңіз…
19:00-де
TURKISTAN24 кешкі жаңалықтар топтамасы
Turkistan телеарнасы қосулы болсын!
Балаларға мерекелік көңіл-күй сыйлады
Балалар мерекесіне орай бүлдіршіндерге қуаныш сыйлауға арнайы қонақтар келді!
Іс-шараға Happy Burger фаст-фуд желісінің басшысы және OSM Балалар әлемінің басшысы Айдана Шәріп қатысып, балаларға көтеріңкі көңіл-күй сыйлады.
АПТАП ЫСТЫҚТА ЖАЙЛЫ ОАЗИС ЖАСАУДА
Түркістанда аптап ыстық басталды. Түс мезгілінде көшелер мен асфальт жамылғысы қатты қызатындықтан, коммуналдық қызметтер күшейтілген режимде жұмыс істеуде. Соның бірі – аэро тәсілмен қала көшелеріне су шашу. Мамандар бұл жұмыс қоршаған ортаның жайлылығын сақтауға және жолдардың төсенішін қорғауға бағытталғанын айтады.
Жазғы маусымда ауа температурасы көтерілген сайын мұндай жұмыстардың маңызы арта түседі. Сондықтан коммуналдық қызмет өкілдері көшелерге су шашу шараларын күнделікті жалғастыруды жоспарлап отыр.
«Шабыт» шығармашылық орталығы ашылды
Жезқазғанда балаларға арналған кешенді шығармашылық орталық ашылды. Баланың зейіні ашылсын деген сеніммен "Шабыт" деп аталған су жаңа шығармашылық кешен Болат Өтемұратов қорының қолдауымен салынған. Құрылысына 4 миллиард теңге қаржы жұмсалған орталықта арт-студия, қыш шеберханасы, ерте дамыту орталығы, хореография залдары мен робототехника кабинеттері, цифрлық өнер мен графикалық дизайн студиясы бар.
Ғимарат бір уақытта 250 балаға дейін қабылдай алады. Үйірмелер тегін әрі үш ауысыммен өткізілетіндіктен, орталықтың күніне 600 балаға білім беру мүмкіндігі бар. Ғимаратты жобалау барысында инклюзивті орта қалыптастыруға ерекше көңіл бөлінді. Мұнда ерекше білім беру қажеттілігі бар балалардың кедергісіз келуіне барлық жағдай жасалған.
ҮЗДІК ОҚУШЫЛАР АҚОРДАДА ҚОНАҚ БОЛДЫ
Халықаралық балаларды қорғау күніне орай «Ақордада» оқушылар қонақ болды. Шараға еліміздің барлық өңірінен 100-ге жуық жасөспірім келді. Бұл оқушылар – оқуда озат атанғандар, халықаралық және республикалық олимпиадалардың жеңімпаздары. Ақорданың кішкентай қонақтары Президенттің жұмыс орнын өз көзімен көріп, резиденцияның тыныс-тіршілігімен етене танысты.
ӘСКЕРИ ҚЫЗМЕТТІ ТАҢДАҒАН ЖАСТАР САНЫ АРТЫП КЕЛЕДІ
Ұлттық ұланда әскери борышын өтеген әрбір 10-шы сарбаз келісімшарт негізінде қызмет етуді қалайды. Биыл 700-ге жуық жас сарбаз мерзімді әскери қызметтен кейін әскери мансабын жалғастыруға шешім қабылдаған. Ал, Елордадағы 5573 әскери бөлімінде Отан алдындағы борышын өтеген 100 сарбаз келісімшарт негізінде қызметте қалмақ.
Бұл жастардың әскери қызметке деген қызығушылығының артып келе жатқанын, ел қауіпсіздігін қамтамасыз етуге үлес қосуға ұмтылып отырғанын көрсетеді. Алдағы уақытта ұландық сарбаздар жауапты лауазымдарға тағайындалып, жеке құрамның қызметін жетілдіруге атсалысады.
ТҮЛЕКТЕРДІ ТОЛҒАНДЫРҒАН ТЕСТ
Ендігі жылы ұлттық бірыңғай тестілеу жүйесіне өзгерістер енеді. Маңызды сынақты түлектер төрт жылдан бері екі рет тапсырып жүр еді. Енді келер жылдан бастап талапкерлер бір рет қана бағын сынай алады.
Сарапшылар ұлттық бірыңғай тестілеуге жылма-жыл өзгерістердің енуін билік пен бұқара арасындағы ашықтық пен әділдікті сақтау деп түсіндіреді. Өйткені жиі жетілдірілген жүйе - білім беру саласының ақсап тұрған тұстарын реттеп, тасадағы түйінді мәселелерді шешуге сеп болады.
Жазғы демалысыңызды қайда өткізесіз?
Қала тұрғындарынан жазды қайда өткізетіндерін сұрап көрдік. Бірі теңізге баруды жоспарласа, енді бірі ауылда демалғанды жөн көрді.
Ал сіз демалысыңызды қайда өткізуді жоспарлап жүрсіз? Пікірге жаза кетіңіз
